Love Struck!

Episode-16

To aakhir itne twists aur turns ke baad, Aakansha ne Aasha ko Abhimanyu ke baare me bata hi dia. Pehle to Aasha ko shock hona hi tha, par ab wo bhi khush hai, aur baat karne wali hai apne parents se un dono ke baare me. Chaliye dekhte hain, ki wo baat kar pati hai ya usse pehle kuch aur ho jata hai.

Jaise ki aapko pata hi hai, Sushant wahan se ja chuka hai, ab Aakansha, Abhimanyu aur Aasha hi wahan baithe hue hain.

Aasha: Waise jija ji, ek baat yaad rakhna, aapki help ki hai maine Aakansha ko patane me.

Abhimanyu: Patana mat…

Aasha: (Abhimanyu ko beech me hi tokte hue) Han! Han! Patana nahi bolna. Iska dil jeetne ke lie.

Abhimanyu: (smiles) Wo kaise?

Aasha: Ye jab ignore kar rahi thi, tab maine hi ise samjhaya tha.

Abhimanyu: Oh! Okay! Thanks.

Aasha: (smile karte hue) I think, ab mujhe tum do pyar ke panchiyon ko akele chhod dena chahiye.

Aakansha: Didi! Sath me chalenge na.

Aasha: Nahi. Rehne de. Waise bhi mujhe kuch kaam hai. Tum dono sath me time spend karo.

Aakansha: Okay!

Aasha: Sham ko milte hain. Bye jija ji.

Abhimanyu: (smiles) Bye Sali ji!

Aasha leaves. Abhimanyu Aakansha ko dekhta hai aur smile karta hai.

Aakansha: Kya hua? Aise kyun dekh rahe ho?

Abhimanyu: Fir se lift me chale?

Aakansha: (smiles) Shut up.

Abhimanyu: (smiles) Mujhe is baar hug ke sath kuch aur bhi chahiye.

Aakansha Abhimanyu ko ghurti hai. Abhimanyu hasta hai.

Abhimanyu: Waise ek aur jagah hai.

Aakansha: Abhimanyu, chup karo. Bhot bigad gaye ho tum.

Abhimanyu: Ab tumhare lie to bigad hi sakta hu na.

Aakansha smile karte hue “Na” ka ishara karti hai.

Abhimanyu: I am so happy today. Bas ab tumahre parents ko pata chal jaye to main jaldi se tumhe apne ghar pe leke aau.

Aakansha: Nooo.. Main abhi shadi nahi karne wali.

Abhimanyu: Kyun?

Aakansha: Pehle to didi ki shadi hogi na.

Abhimanyu: Acha thik hai. Par kam se kam tumhare sath aa ja to sakunga, bina kisi darr ke.

Aakansha: Okay!

Dono kuch der mall me hi rehte hain, fir sham ke waqt dono ghar jane ke lie nikalte hain.

Abhimanyu: Ye aaj mausam ko kya hua hai?

Aakansha: Today, it will rain.

Abhimanyu: Tumhe kaise pata?

Aakansha: Weather forecast me bata rahe the.

Abhimanyu: Arey! Wo pata nahi kya kya bolte hain, unki baaton pe believe nahi karna chahiye.

Aakansha: Okay!

Dono metro me ja rahe hain, barish shuru ho chuki hai. Abhimanyu aaj apne station par nahi utara. Wo Aakansha ko pehle safely ghar pahuchana chahta hai. Aakansha ka station aata hai aur dono bahar nikalte hain.

Aakansha: Acha hua aaj main umbrella le aayi thi.

Abhimanyu umbrella ke bahar hi chal raha hai.

Aakansha: Andar aao iske.

Abhimanyu: Nahi. Main thik hu aise hi.

Aakansha: Pagal ho kya? Bheeg jaoge.

Abhimanyu: It’s okay!

Aakansha Abhimanyu ko chhaate ke andar kheench leti hai. Dono ko barish se bachne ke lie thoda kareeb rehna pad raha hai. Abhimanyu thoda dur hota hai aur side se bheegne lagta hai. Aakansha fir use chaate ke andar kar leti hai. Abhimanyu ab Aakansha ke kandhe par hath rakh deta hai. Dono ek pal ke lie ek dusre ko dekhte hain fir chalne lagte hain. Dono ek auto karte hain. Auto Aakansha ke ghar ki taraf ja raha hai. Abhimanyu Aakansha ko dekh raha hai, Aakansha apna saaman thik karne me lagi hai to wo dhyan nahi de rahi. Tabhi Abhimanyu Aakansha se kuch kehta hai.

Abhimanyu: Kanshu!

Aakansha Abhimanyu ko dekhti hai aur bolti hai, “Han.”

Abhimanyu: You are looking gorgeous like this.

Aakansha: (sharmate hue) Abhi! Tum bhot..

Aakansha aage kuch bol paye usse pehle hi uske muh par apna hath rakh deta hai.

Abhimanyu: Main bhot bigad gaya hu, I know. Aur tum is bigade hue ladke se shadi karna chahti ho? Ek baar fir soch lo. (and smiles)

Aakansha: (smiles) Soch lia.

Abhimanyu holds her hand aur bas Aakansha ko dekh raha hai. Aakansha apne hath se uska face dusri taraf kar deti hai. Abhimanyu dhire se hasta hai, tabhi auto ruk jata hai. Dono auto me se bahar aate hain. Both are standing under the umbrella. Abhimanyu comes little closer to her, kisses her forehead and says.

Abhimanyu: Tumhe chhodke jane ka mann nahi hai aaj. I want to be with you Kanshu.

Aakansha bas muskura rahi hai.

Abhimanyu: (little upset) But, I guess, jana pdega.

Aakansha: Suno.

Abhimanyu: Han.

Aakansha: I love you.

Abhimanyu comes closer, holds her hand, kisses it and says, “I love you too.”

He holds her face and kisses on her nose, while doing so, Aakansha closes her eyes. He now bring his lips closer to hers.

Hahaha! Hamare hero ki daring kuch jyada hi badhti ja rahi hai, bilkul dhyan hi nahi hai, ki wo heroine ke sath kahan khada hai. Aur aaj to light bhi nahi gayi hui, agar kisi ne dekh lia to.. Par kehte hain na, “Ishq par zor nahin, hai ye wo aatish Ghalib, jo lagaye na lage aur bujhaye na bane.”

To hero aur heroine ek dusre me khoye hain, par har baar unka luck acha ho aisa to nahi ho sakta na. Aur ye kya, dekha bhi to kisne? Hahaha! Aakansha ke papa ne. Ab to gaye dono.

Aakansha’s dad: (chillate hue) Aakansha!

Aakansha aur Abhimanyu awaz sunte hi ek dusre se alag hote hain. Nahi, nahi, abhi kiss hua nahi hai, pehle hi aa gaye Aakansha ke papa, kam se kam kiss to hone dete. Abhimanyu to Aakansha ke papa ko dekh ke umbrella se hi bahar nikal jata hai.

Aakansha’s dad: Aakansha, ghar chalo aur ise bhi leke aana.

Ye bolke Aakansha ke papa ghar ki taraf chale gaye hain.

Abhimanyu: Main to gaya.

Aakansha: Kya?

Abhimanyu: Aakansha main ja raha hu. Bye!

Aakansha: (Abhimanyu ka hath pakadte hue) Kahan ja rahe ho? Papa ne ghar pe bulaya hai.

Abhimanyu: Tum chahti ho kya wo mera murder kar de?

Aakansha: Chup karo aur ghar chalo.

Abhimanyu fir se mann me Bhagwan ka naam lete hue soch raha hai, “Aaj ka to din hi kharab hai. Tujhe bhi aaj hi chance lena tha Abhimanyu. Bhagwan! (Upar dekhte hue) Please han!”

Aakansha aur Abhimanyu ghar me phonchte hain. Dad, mom aur didi, teeno, dono ko ghur rahe hain. Aakansha ko uski mom awaz laga ke apne paas bula leti hain. Aakansha chali jati hai. Ab Abhimanyu aur Aakansha ke papa hain bas room me.

Aakansha’s dad: Tum yahan kya karne aaye the?

Abhimanyu: Ji!

Aakansha’s dad: (zor se bolte hain) Yahan kya karne aaye the?

Abhimanyu: (darte hue) Ji! Aakansha ko…. chhodne aaya tha. Aaajjjj barish bhot thi na…. islie bas…

Aakansha’s dad: Pehle bhi aaye ho Aakansha ke sath?

Abhimanyu: Ji! Ek do baar.

Aakansha’s dad: Bheeg gaye ho puri tarah se. Sardi lag jaegi.

Abhimanyu: Nahi sir. Bas main ja hi raha hu ghar.

Aakansha’s dad: Maine tumse kaha hai kya jane ke lie?

Abhimanyu: Ji! Nahi..

Aakansha’s dad: (Aakansha ko awaz lagate hue) Aakansha!

Aakansha: (bahar aati hai) Han, papa.

Aakansha’s dad: Ise sardi lag jaegi, iske kapde badalwa do.

Abhimanyu: Nahi sir main thik hu.

Aakansha’s dad: Tumse pucha maine?

Abhimanyu: Nahi.

Aakansha’s dad: To chup raho. (Aakansha se) Jao Aakansha iske kapde badalwa do.

Aakansha Abhimanyu ko le jati hai. Dono ek room me jate hain, Aakansha use kapde deti hai. Abhimanyu bhot dara hua hai.

Abhimanyu: Aakansha! Please save me.

Aakansha: Ye kapde pehen lo.

Abhimanyu: Kapde chhodo. Mujhe bachao.

Aakansha: Kisne kaha tha beech sadak pe kiss karne ke lie?

Abhimanyu: Yaar, this is not fair. Tum bhi totally involved thi.

Aakansha: Dekho, mujhe bhi darr lag raha hai. Par yahi chance hai, khud ko ache se present karo unke samne, jisse wo tumhe accept kar le.

Abhimanyu: Tum majak kar rahi ho kya? Pata nahi hai, kya karte hue dekha hai unhone hume?

Aakansha: Kiss karte hue.

Abhimanyu: Shut up. Kiss hua nahi tha.

Aakansha: Okay! Main kuch nahi bolungi, khud handle karna sab.

Abhimanyu: Nahi, nahi. Pagal ho kya? Please help me.

Aakansha: Pehle jake kapde change karo, thand lag jaegi.

Abhimanyu kapde le leta hai aur change karne chala jata hai.

Hahahaha! Bechara hamara hero. Ise kehte hain, aasman se gire aur khajoor me atake. Didi se jaise taise jaan bachi to ab papa ke hathon marne wala hai. Pata nahi kya hoga ab Abhimanyu ka. Aakansha ke papa uska murder kaise karte hain, ye dekhne ke lie, please humse jude rahiye aur padhte rahiye ye kahani. Stay connected with us.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: