Love Struck!

Episode-13

Aakansha aur Abhimanyu ko aaj jaldi ghar se nikalna hai, ek dusre se milna hai. Aaj dono hi apna best dikhna chahte hain islie dono ne hi apni best dresses try ki aur unme se badi mushkil se ek dress select ki hai. Aakansha jo waise hi khoobsurat hai, par aaj aur jyada sundar dikhna chahti hai. Use yaad hai ki Abhimanyu ko waisi ladkiyan nahi pasand jo apni natural beauty chupati hain aur use ye bhi yaad hai ki Abhimanyu uski aankhon ki tareef pehle kar chuka hai, to jyada make up na karte hue, bas wo aankhon me kajal laga leti hai. Abhimanyu ko bhi yaad hai ki Aakansha ko konsa colour pasand hai, wo usi colour ki shirt pehnta hai. Dono hero heroine ready hokar nikal gaye hain.

Aakansha ko jab Abhimanyu dekhta hai to uspar se nazar nahi hata pata. Aakansha samne se aa rahi hai aur Abhimanyu bas use dekhta ja raha hai. Aakansha ne ek suit pehna hai, jo uske kajal se milta hai, yani black colour, us par matching jhumki hain, maathe par ek choti si bindi wo bhi black colour ki, ek hath me watch aur dusre hath me kuch bangles aur sone pe suhaga ye ki uske baal khule hue hain jo Abhimanyu ki nazar uspe se hatne nahi de rahe. Aakansha paas aa jati hai.

Aakansha: Hi!

Abhimanyu: (hosh me aate hue) Han. Hmm. Hi! (fir khud ko sambhalte hue par use hi dekhte hue) Kaisi ho?

Aakansha: Good.

Aakansha note karti hai ki Abhimanyu ne uske favourite colour ki shirt pehni hai.

Abhimanyu: (smiling) Okay!

Dono ek sath chal rahe hain aur chup hain. Usi café ki taraf ja rahe hain, jahan hamesha jate hain. Tabhi Abhimanyu bolta hai.

Abhimanyu: Tum achi lag rahi ho.

Aakansha: (smile aur blush karte hue) Thanks. Tumne mere favourite colour ki shirt pehni hai.

Abhimanyu: (Smiling) Han.

Aakansha: Par tumhe to ye colour pasand nahi na.

Abhimanyu: (Aakansha ki taraf dekhte hue) Jab tum pasand ho to colour bhi pasand hai.

Aakansha smile karte hue nazare jhuka leti hai.

Abhimanyu: (smile karte hue) To… tum answer nahi dogi na.

Aakansha: Konsa answer?

Abhimanyu ruk jata hai aur Aakansha ko dekhta hai, Aakansha smile karte hue use dekhti hai. Kyunki dono ko pata hai ki kis chiz ka answer Abhimanyu usse maang raha hai, par ye ladkiyan bhi jaan ke anjaan banti hain. Aapko nahi yaad? Chalo yaad dila dete hain. Abhimanyu ko apne three magical words ka jawab chahiye jo ab tak Aakansha ne nahi dia hai.

Dono aage badhte hain aur lift me jate hain. Lift me dono akele hain. Lift chal rahi hai, Abhimanyu bas Aakansha ko hi dekhe ja raha hai aur beech beech me jab Aakansha ki nazare Abhimanyu se takrati hain, to dono smile karte hain aur Aakansha nazare jhuka leti hai. Lift open hoti hai, dono bahar nikal ke us café me jate hain.

Waise to café me shanti hi rehti hai, par aaj dono subah jaldi aa gaye hain, to bas abhi café me wo dono hi hain. Abhimanyu Aakansha ko side me ek table par le jata hai, jisse unhe koi disturb na kar paye. Dono baith jate hain aur order de dete hain. Abhimanyu Aakansha ke just samne betha hai aur bas use dekhe ja raha hai. Tabhi Aakansha bolti hai.

Aakansha: (feeling shy) Abhiii! Dekhna band karo.

Abhimanyu: Kyun?

Aakansha: Kyun kya hota hai, bola na dekhna band karo.

Abhimanyu: (smile karte hue) Agar tumhe dekhna band karna hai to… (Aakansha ke paas apni chair laate hue) mujhe tumhare paas baithna hoga.

Aakansha use dekhke smile karti hai. Abhimanyu fir use dekhne lagta hai. Aakansha use ghurti hai, Abhimanyu hasne lagta hai.

Aakansha: Waise ghar par kisi ko koi problem nahi hai mujhse?

Abhimanyu: Problem kyun hogi? Unhe to pehle bhi jab hum aaye the tumhare ghar par, tab bhi sab log pasand aaye the.

Aakansha: Hmm. To tumne apne parents ko bhi sab bata dia?

Abhimanyu: Bataya nahi ugalwa lia.

Aakansha: Matlab?

Abhimanyu use pura incident batata hai, jab uske papa ne usse sari baate nikalwa li thi. Ye sab sunke Aakansha kafi hasti hai.

Abhimanyu: Aur tumhe pata nahi tumhari friend request ke lie kitni daant khayi hai ghar pe.

Aakansha: Kyun? Tumhare parents nahi chahte the ki tum request bhejo?

Abhimanyu: Nahi waisa kuch nahi hai.

Aakansha: To fir?

Abhimanyu: Jab tumne request accept ki thi, to main aur Aashish sofe pe koodne lage aur sofa toot gaya.

Aakansha: Kya? (zor se haste hue) Par tumse kaha kisne tha sofe pe koodne ke lie?

Abhimanyu: Arey! Excitement thi, kya karte. (haste hue) Aur fir uske baad papa ne daant laga di.

Aakansha: (haste hue) Hahaha! Acha hi kia papa ne, tum usi layak ho.

Abhimanyu: Ab tum jyada mat bolo.

Aakansha: Hmmm. To ghar pe sabko main pasand hu?

Abhimanyu: Bhot.

Aakansha: Ghar pe jab main sabse milungi to sab mujhe pasand kar le bas.

Abhimanyu: Wo tumhe pehle se pasand karte hain, bas tumhe unse milna hai.

Aakansha smile karti hai aur kuch sochne lagti hai.

Abhimanyu: Kya soch rahi ho?

Aakansha: Yahi ki hum kaise mile the, aur ab kahan aa gaye hain.

Abhimanyu: Hmmm.

Aakansha: Maine sach me nahi socha tha ki main aise kisi se pyar…… (chup ho jati hai)

Abhimanyu: Bolo.

Aakansha: Kuch nahi.

Abhimanyu: Thik hai mat bolo. Main samajh gaya. (Aakansha ki line repeat karte hue) Tumne aisa nahi socha tha ki tum aise kisi se pyar karogi. Right?

Aakansha smile karti hai.

Abhimanyu: Kaise sochti? Tum to Miss Gussel ho. Aur manti bhi nahi thi ki ab koi sach me pyar karta hai, tumhare hisab se to bas heer ranjha ne pyar kia tha.

Aakansha smile kar rahi hai aur Abhimanyu ki baate sun rahi hai.

Abhimanyu: Par maine tumhe promise kia tha, ki main tumhara ye shaq zaroor dur karunga.

Aakansha kuch seconds ke lie Abhimanyu ki aankhon me dekhti hai aur fir nazare jhuka leti hai. Abhimanyu use is tarah thoda blush karta hua aur thoda shy feel karta hua dekh muskurane lagta hai aur Aakansha ka hath apne hath me leta hai. Dono chup hain, ek dusre ke hathon se khel rahe hain. Abhimanyu thoda aur kareeb aata hai. Abhimanyu Aakansha ke left me baitha hai, dono ki chairs judi hui hain. Abhimanyu apna right hand Aakansha ke kandhe par rakhne ke lie uthata hai par hamara hero shareef hai, hath uske kandhe pe na rakh ke uski chair pe rakh deta hai aur apne left hand se Aakansha ka right hand to kabhi left hand pakad leta hai, to kabhi ungali se uske hath pe kuch likhta hai. Is waqt dono ek dusre ke kareeb rehna chahte hain, jitne jyada kareeb ho sake utne jyada kareeb. Par unki ye feelings na to café wale samajh sakte hain aur na baki ke log. Itne me coffee bhi aa jati hai. Coffee lete waqt Aakansha ke baal uske chehre pe girne lagte hain. Aakansha use piche kar hi rahi hai ki Abhimanyu bolta hai, “Aakansha!”

Aakansha uski taraf dekhti hai. Abhimanyu kehta hai, “May I?”

Aakansha “Han” ka ishara kar deti hai. Abhimanyu Aakansha ki lat uske kaan ke piche kar deta hai. Aakansha smile karti hai aur Abhimanyu bhi. Dekhte hi dekhte time nikal jata hai aur unke office jane ka time ho jata hai. To dono uthate hain aur nikal jate hain café se bahar. Abhimanyu café se bahar nikalte hi Aakansha ka hath pakad leta hai aur chalte chalte bolta hai.

Abhimanyu: Aakansha.

Aakansha: Hmm.

Abhimanyu: Agar main tumse kuch bolu to bura to nahi manogi?

Aakansha: Bolo.

Abhimanyu: Mujhe tumhe hug karna hai.

Aakansha smile karti hai.

Abhimanyu: Smile kya kar rahi ho? Bolo.

Aakansha: Kya bolu? Yahan hug karoge?

Abhimanyu: Han. Us din kia tha na.

Aakansha: Us din raat thi. Aur hum thode emotional ho gaye the to itna dhayan nahi dia surroundings ka.

Abhimanyu: To agar surroundings me koi nahi hota to hug karne deti?

Aakansha: (Abhimanyu ko ghurte hue) Tumhare dimag me kya chal raha hai?

Abhimanyu: Bolo na.

Aakansha: Han. Par agar koi nahi hota to.

Abhimanyu: Okay!

Abhimanyu aur Aakansha niche jane ke lie lift me jate hain. Lift niche ja rahi hai ki tabhi Abhimanyu lift rok deta hai.

Aakansha: Ye kya kia? Tum pagal ho kya?

Aakansha lift start karne ke lie aage badhti hai. Abhimanyu use rok deta hai.

Aakansha: Abhi! Ye sab kya hai? Tumhe pata hai na mujhe band lift me darr lagta hai.

Abhimanyu: Han pata hai, par tum pehle shant ho jao.

Aakansha: No abhi. Lift start karo.

Abhimanyu Aakansha ke hathon ko pakadte hue use shant karane ki koshish karta hai.

Abhimanyu: Shhh! Shant ho jao.

Aakansha chup ho jati hai. Abhimanyu uske paas aata hai.

Abhimanyu: Jab tak main tumhare sath hu tumhe darne ki zarurat nahi hai.

Abhimanyu holds her from her waist and kisses on her forehead. Aakansha apni aankhe band kar leti hai.

Abhimanyu: I love you Kanshu!

Abhimanyu use hug kar leta hai. Aakansha bhi use pakad leti hai. Dono bas is moment me rehna chahte hain aur chahte hain ki thodi der ke lie ye pal yahin ruk jaye. Kabhi Abhimanyu uske sir ko sehlata hai to kabhi use hold kar leta hai. Aakansha Abhimanyu ko pakade hue hai aur aankhen band kie kuch bol rahi hai.

Aakansha: Abhi!

Dono ki aankhe band hain.

Abhimanyu: Han Aakansha!

Aakansha: Kuch nahi.

Abhimanyu: (smiles) Thik hai main samajh gaya. I love you too!

Aakansha: (smiles) So, Clever!

Dono kuch pal aise hi rehte hain. Aur fir na chahte hue bhi dono ko alag hona padta hai. Abhimanyu Aakansha ke baalon ko thik karta hai aur uske mathe par kiss karta hai. Ab lift start ho jati hai aur dono bahar nikal jate hain.

To kaisi rahi ye mulakaat? Mujhe to bhot khoobsurat lagi. Aapko kaisi lagi? Please hume zaroor bataiye aur kahani ko aise hi padhte rahiye. Don’t miss any episode and stay connected with us.

Next episode of this story will be published tomorrow, at the same time. If you are liking our story then please, comment like and share..
And please like and follow our page, “Talking Hearts.”

Till then…

Stay blessed guys and,

Feel the Love ❤

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: