Love Struck!

Episode-12

Pichle episode me hamare hero ne heroine se apne dil ki baat bol di thi. Aur hamari Miss Gussel ne bhi unka proposal accept kar lia tha. Par ye sab hua bilkul last me, jab dono ko hi ghar jana tha. Bhot kuch shayad kehna hoga dono ko, par ghar jane ki jaldi me keh nahi paye. To wahi dekhte hain, ki kis tarah se ab ghar jane ke baad apne mann ki sari baate karte hain dono ek dusre se.

Aakansha ghar me enter karti hai. Ek alag hi khushi dikh rahi hai aaj uske chehre par, par wo dhyan rakh rahi hai ki koi uske chehre ki ye extra khushi note na kar le to apne expressions ko normal rakhne ki puri koshish kar rahi hai. Ki tabhi Aakansha ko mom kuch kehti hain.

Aakansha’s mom: Aakanshaaa!

Aakansha: Han mom.

Aakansha’s mom: Aaj bhot late ho gaya ghar aane me.

Aakansha: Han wo thode patients jyada the aaj hospital me, to nikal nahi payi time se.

Aakansha’s mom: Acha. Chalo ab jaldi se change karke aa jao, main bas khana laga hi rahi hu.

Aakansha: Thik hai mom.

Aakansha apne room me jati hai aur change kar rahi hai aur use sab yaad aa raha hai jo bhi aaj hua, ruthna manana, ladayi, wo hug, aur fir wo proposal. Sochte hue uske face pe 200 Watts ki smile aur 1000 Watts ka glow aa gaya hai. Room andar se lock hai to bas wo room me uchal rahi hai aur bed par gir jati hai. Bed pe lete hue chhat ko dekh rahi hai aur muskuraye ja rahi hai, ki tabhi ek message aata hai uske phone me, “Reached home.”

Han, ye Abhimanyu ka hi message hai. Aakansha dekhti hai aur reply karti hai, “Okay!”

Fir ek message aata hai, “Kya aaj jo bhi hua wo sach hai?”

Aakansha reply karti hai, “Sach hi hai shayad.”

Wahan se fir ek message aata hai, “Mujhe yakeen nahi ho raha hai.”

Aakansha reply karti hai, “Mujhe bhi.”

Abhimanyu reply karta hai, “Call karu kya?”

Aakansha message karti hai, “Nahi, abhi nahi. Mom bula rahi hain khane ke lie.”

Abhimanyu replies, “Bas do minute.”

Aakansha message karti hai, “Okay! Thik hai. bas do minute.”

Abhimanyu Aakansha ko call karta hai. Aakansha call uthati hai.

Abhimanyu: Hello!

Aakansha: Hi!

Abhimanyu: Thanks for today.

Aakansha: Ab bhi thanks hi bolna hai tumhe?

Abhimanyu: To kya bolu?

Kaha tha na bewakoof hai hamara hero.

Itne me Aakansha ki mom use awaz lagati hain, “Aakansha! Beta niche aa jao. Khana laga dia hai.”

Aakansha: Kuch mat kaho, main ja rahi hu, mom bula rahi hain. Bye.

Abhimanyu: Ruko!

Aakansha: Arey! Mujhe jana hai.

Abhimanyu: Bas ek minute.

Aakansha chup ho jati hai aur wait karti hai.

Abhimanyu: I Love You!

Aakansha smile ke sath sath blush bhi kar rahi hai. Kuch seconds dono chup rehte hain. Fir Abhimanyu bolta hai.

Abhimanyu: Aakansha!

Aakansha: Hmm.

Abhimanyu: Kuch bologi nahi?

Aakansha: (smile aur blush karte hue) Mujhe jana hai. Bye.

Abhimanyu: Arey!

Par itne me wo phone kaat deti hai aur smile karti hui mom ke paas phoch jati hai. Abhimanyu bhi apne room se bahar nikal ke apni family ke paas aa jata hai.

Aashish: Kya baat hai bhai? Aaj fir se chehre pe chamak hai.

Abhimanyu: (smile karte hue) Nahi aisa to kuch nahi hai.

Aashish: (Mom ko dikhate hue) Dekho maa. Ye extra smile nahi kar raha hai?

Mom bhi Abhimanyu ki taraf dekhti hain, aur muskurane lagti hain.

Abhimanyu’s mom: Kya hua hai aaj?

Abhimanyu: (smile chupane ki koshish karte hue) Kuch nahi. Bas normal day tha.

Abhimanyu’s mom: Han! Tabhi tu itna late aaya hai.

Aashish: Arey han yaar! Ye to maine notice hi nahi kia. (chhedte hue) Bhabhi ke sath date pe gaya tha?

Abhimanyu: Chup kar. Kuch bhi bolta hai.

Aashish Abhimanyu ke barabar me aake baith jata hai aur use kandhe se pakad ke bolta hai.

Aashish: Bata na bhai. Kya hua?

Abhimanyu smile karne lagta hai.

Abhimanyu’s mom: Rehne de wo bata dega khud hi. (chhedte hue) Waise ab kyun bataega, ab wo jo aaegi na use hi sab baat bataega ye.

Abhimanyu: Arey maa! Kya bol rahi ho tum bhi.

Aashish: To bata fir.

Abhimanyu: (smile karte hue) Aaj usne mujhe bulaya tha kisi kaam se.

Aashish: Fir?

Abhimanyu: Uski behen ko koi ladka milne aa raha hai, aur uske parents uski didi ke sath use bhejna chahte hain.

Abhimanyu’s mom: Acha! Fir?

Abhimanyu: To wo chahti hai ki main uske sath jau wahan.

Abhimanyu’s mom: (khush hote hue) Ye to badi achi baat hai. Wo tujhe apni didi se milwana chahti hai finally.

Abhimanyu: Han maa. Aur main itna bewakoof hu, mujhe ye logic aadhe ghante tak samajh nahi aaya aur usse behas karta raha ki mujhe nahi jana hai.

Aashish: Han. Bewakoof to hai, isme shaq kya hai?

Abhimanyu uske sir par ek marta hai. Aashish apna sir sehlata hai.

Abhimanyu’s mom: To tune usse ladayi ki islie khush ho raha hai?

Abhimanyu: Nahi.

Aashish: To kya hua bataega.

Abhimanyu: Uske muh se nikal gaya ki, wo chahti hai ki main uske ghar walon se milu aur unhe samajh aaye ki hum bas dost nahi hain.

Aashish: Ohhooooooo.. Kya baat hai.. Tabhi ye smile hai chehre pe.

Abhimanyu muskurane lagata hai.

Abhimanyu’s mom: Chalo khush hu main ki mujhe ek samajhdaar bahu milne wali hai. Ise bhi thodi akal aaegi uske sath reh ke. (Abhimanyu ki taraf ishara karte hue)

Abhimanyu: Kya matlab hai maa iska?

Aashish: Iska matlab ye hai ki tu bewakoof hai.

Abhimanyu use ghurta hai. Aashish smile karta hai.

Abhimanyu: (Mom se) Waise maa… main soch raha tha ki Aakansha ko ek din ghar pe bula lu. Ab to mujhe samajh bhi aa gaya hai uske mann me kya hai.

Aashish: (excited hote hue) Good idea bro. I am in.

Abhimanyu’s mom: (khush hote hue) Han idea to acha hai. Main tere papa ko bata dungi, jab wo aaegi us din ki chhutti le lenge wo.

Abhimanyu: (Khush hote hue) Thik hai fir main usse puch leta hu ki wo kis din aa sakti hai.

Aashish: (Sofe se koodte hue) Maza aaega.

Abhimanyu: Ye itna excited kyun ho raha hai?

Abhimanyu’s mom: Areyy! Uski bhi Bhabhi hai wo.

Abhimanyu: Hmmm. (smiles) Okay maa.

Abhimanyu ko sab bewakoof bolte hain, par abhi to mujhe wo thoda chalaak lag raha hai. Usne ghar pe bata bhi dia aur bataya bhi nahi. Badi chalaki se usne Aakansha ki baat bhi rakh li aur ghar pe ye bhi bata dia ki kyun itna khush hai. Means hamara hero family aur girlfriend ke beech balance kaise banana hai, ye to janta hai. Chaliye ab dekhte hain, apni hone wali wife se kya baate karte hain hamare hero.

Abhimanyu room me aa jata hai, aur Aakansha ke message karne ka wait kar raha hai. Kareeb aadhe ghante baad, Aakansha ka message aata hai.

Aakansha: Hi!

Abhimanyu: Kahan thi tum? Itni der laga di.

Aakansha: Arey mom kuch kaam bata rahi thi wo kar rahi thi.

Abhimanyu: Acha ab main call kar raha hu.

Aakansha: Nahi. Pagal ho kya?

Abhimanyu: Kyun?

Aakansha: Tumhe pata nahi hai kya didi bhi hoti hain room me.

Abhimanyu: Ek to tumhari didi ne mera jeevan kharab kia hua hai. Unse bolo, shadi kare aur jaldi se jaye.

Aakansha: Achaa!

Abhimanyu: Aur main call kar raha hu. Chupchap phone utha lo.

Aakansha iska koi reply kar pati, itne me Abhimanyu ki call aane lagti hai. Aakansha room ke bahar aake dhire se bolti hai.

Aakansha: Hello!

Abhimanyu: Hello! Tum itna dhire kyun bol rahi ho?

Aakansha: Tumhe jab mana kar rahi thi call mat karo to suna nahi tumne. Ab aise hi baat karo.

Abhimanyu: Okay! To answer do.

Aakansha: Kis chiz ka answer?

Abhimanyu: Mere I Love You ka.

Aakansha: (smile karte hue) Abhiiii!

Abhimanyu: (pyar se) Yes, Kanshuuu!

Aakansha: Tumhe pata hai tum bhot bigad rahe ho?

Abhimanyu: (smile karte hue) Hmm. Pata hai.

Aakansha: Ghar pe sab kaise hain?

Abhimanyu: Sab ache hain, bas puchte rehte hain ki hamari bahu raazi hui ya nahi.

Aakansha: (shy feel karte hue) Tum aise mat bolo.

Abhimanyu: Kyun?

Aakansha: Bhot ajeeb sa lagta hai ye sab sunke.

Abhimanyu: Ajeeb means bura?

Aakansha: Nahi. Not in that way.

Abhimanyu: Then?

Aakansha: Nahi bata sakti.

Abhimanyu: (smiling) Main samajh gaya par. (after a short pause) Acha suno. Ab mere ghar par aana hai tumhe, mere parents se milne.

Aakansha: Kyun? Tumne bata dia kya ghar par?

Abhimanyu: Nahiii.. Par mil to sakti ho na, dost ki tarah hi.

Aakansha: Han, mil sakti hu. To kab aana hai?

Abhimanyu: Jab aapko thik lage ma’am.

Aakansha: Is weekend?

Abhimanyu: Great! To main ghar par bata dunga.

Aakansha: Mujhe thoda darr lag raha hai.

Abhimanyu: Don’t worry. Everything will be fine.

Aakansha smiles. Itne me Aasha, yani Aakansha ki didi, use awaz lagati hain.

Aasha: Chutki! Kya kar rahi hai?

Aakansha: Aayi didi.

Aakansha Abhimanyu se kehti hai.

Aakansha: Chalo ab mujhe jane do, didi bula rahi hain.

Abhimanyu: Unse kaho, apna kaam kar le. Bechare do pyar karne walon ko shanti se baat karne de.

Aakansha Abhimanyu ki is baat pe zor se hasti hai.

Aakansha: Bechare do pyar karne wale.

Abhimanyu: Has lo. Tumne to bola hi nahi hai kuch. To tum to hasogi hi na.

Aakansha: (pyar se) Acha ab main jau?

Abhimanyu: (muh banate hue) Ab itne pyar se bologi to jane hi dena padega.

Aakansha: (smiling) Kal milungi na.

Abhimanyu: Hmm. Thik hai. Par kal jaldi aana.

Aakansha: Kyun?

Abhimanyu: Mujhe kal ki adhuri coffee puri karni hai.

Aakansha: Subah subah?

Abhimanyu: Han. Ab har chiz me tumhari marzi nahi chalegi. Koi problem hai tumhe subah?

Aakansha: Okay baba! Aa jaungi.

Abhimanyu: Good girl. Ab tum ja sakti ho.

Aakansha: Okay! Good night.

Abhimanyu: Good night.

Dono phone rakh dete hain. Ab bas kal ka wait hai dono ko, jab wo pehli baar milenge is proposal ke baad.

Abhimanyu aur Aakansha ki is story me, ek chiz alag hai. Dono hi masoom hain. Ek dusre ko kuch bura na lage iska pura khayal rakhte hain. Aur sabse achi baat ye hai ki dono ne is rishte ko dhire dhire aage badhaya hai, aur fir ye baat tai ki hai ki unhe ek dusre ke sath hi rehna hai. Aisa pyar aaj kal bhot kam hi dekhne ko milta hai. Jahan dil pehle milte hain, baki sab baad me hota hai. Isilie mujhe in dono ki ye kahani badi pasand aa rahi hai. Aapka mujhe pata nahi. To please bata dijiye, aur han yaad hai na, humse jude rahiye. And yes, please stay connected with us.

Next episode, of this story will be published tomorrow, at the same time. We hope you are reading this story and enjoying it. If Yes, then please comment, like and share…
And to stay updated with the new stuff of page, please like and follow our page, “Talking Hearts.”

Stay blessed.

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: