Love Struck!

Episode-11

Ab tak is story me, Abhimanyu aur Aakansha bhot ache dost ban chuke hain. Waise to dono ek dusre se pyar karte hain, par bol nahi rahe. Iska reason to wo hi jane. Par pichle episode me achanak, Aakansha ke muh se kuch aisa nikal gaya jise sunke Abhimanyu sure ho gaya ki Aakansha use pasand karti hai aur wo uske sath uski didi se milne ke lie ready ho jata hai. To ab iske aage story me kya hua, wo dekhte hain.

Dono metro station pe jate hain. Raat ke 8 bajne wale hain, ye wo time hai jab sab office se wapas aa rahe hote hain, aur metro me sabse jyada bheed hoti hai. Dono metro me phoch jate hain. Jis station par dono ne metro me board kia hai, us station par jyada bheed nahi hai, to dono aaram se metro ke andar aa gaye hain. Kuch stations baad, metro apne busiest stations par rukti hai, aur bheed badhne lagti hai. Waise to aisa roz hi hota hai dono ke sath, par dono ek khasi duri bana ke rakhte hain ek dusre se. Par aaj, kuch alag hi ho raha hai. Shayad ye kuch der pehle ke emotions, jo samne aaye the, unka nateeja hai.

Jaise jaise bheed badh rahi hai, waise waise Abhimanyu Aakansha ke close aa raha hai. Aakansha ek kone me sahara leke khadi hai, aur Abhimanyu uske just samne hai. Aaj ya to bheed kuch jyada hai ya wo dono paas kuch jyada hain. Abhimanyu Aakansha ko dekh raha hai, Aakansha apne phone me kuch kar rahi hai. Abhimanyu ne na kuch pakada hai aur na kisi chiz ka sahara lia hua hai, aur metro achanak ruk jati hai. Abhimanyu ko kafi tez jhataka lagta hai aur wo disbalance ho jata hai. Nahi, wo Aakansha ke upar nahi girta, wo uske opposite direction me girta hai aur Aakansha uska hath pakad kar apni taraf kheench leti hai.

Aakansha: Pagal ho tum? Pakad kyun nahi rakha kuch?

Abhimanyu: (smiles) Ab pakad lia.

Abhimanyu Aakansha ka hath pakade rakhta hai.

Aakansha: Ab hath chhodo.

Abhimanyu: Nahi. Main gir jaunga nahi to.

Aakansha: Par main phone me kuch kar rahi hu na.

Abhimanyu: Ghar pe jake kar lena.

Aakansha: Ghar pe jake jaise tum kuch karne dete ho, pure time baat karte ho.

Abhimanyu: To tum kyun karti ho baate, mat kia karo.

Aakansha use ghurti hai.

Abhimanyu: (muskurate hue) Tumhe pata hai, tumhare hath itne soft hain, mujhe aaj hi pata chala. Aur itne soft hath main to nahi chhod sakta.

Aakansha: Mera hath kaat ke ghar le jane ka irada hai apne sath?

Abhimanyu: (smiles) Nahi. Tumhe hi puri ki puri le jane ka irada hai apne sath.

Aakansha stares.

Abhimanyu: What?

Aakansha: (left hand se phone me scroll krte hue) Kuch nahi.

Abhimanyu: (hath se phone lete hue) Bola na ghar jake karna, jo bhi karna hai.

Aakansha: Abhi! Give me my phone.

Abhimanyu: De dunga. Kahin nahi bhag raha tumhara ye phone.

Aakansha ab gusse me Abhimanyu ko dekh rahi hai, par Abhimanyu smile kar raha hai. Fir Aakansha Abhimanyu ko na dekh ke idhar udhar dekh rahi hai, par Abhimanyu use hi dekhe ja raha hai.

Abhimanyu: Dekho! I know tum bhot acha ignore karti ho, first month me tumne yahi kia hai, to please ab ye sab karna band karo. Aur meri taraf dekho.

Aakansha Abhimanyu ki taraf dekhti hai, “Bolo”.

Abhimanyu: Tum hamesha hi aise gussa karne wali ho mujhpe?

Aakansha: (gusse me hi) Kyun puch rahe ho?

Abhimanyu: Nahi. Kuch nahi. Mujhpe kar lena, par mere ghar walon pe reham kar dena, please.

Aakansha fir se gusse me dekhti hai, par fir use hasi aa jati hai. Wo apna face side me kar leti hai.

Abhimanyu: Dekho tum smile kar rahi ho, ab chupao mat mujhse.

Aakansha Abhimanyu ko maarte hue, “Kya hai? Thik se gussa bhi nahi karne dete.”

Then she smiles. Abhimanyu also smiles.

Ab dono ek dusre ko dekh rahe hain. Abhimanyu ne Aakansha ka hath ab tak pakada hi hua hai, aur wo Aakansha ko dekhe ja raha hai. Fir wo Aakansha ke hath ko apne dono hathon me leta hai.

Aakansha: (dhire se) Hath choro.

Abhimanyu: Kyun?

Aakansha: Hum metro me hain, aur itne log hain aas paas.

Abhimanyu: To? (after a pause) Main pehle hi bol chuka hu ki itne soft hath nahi chhod sakta hu main. At least, abhi to bilkul nahi. Jab tak tumhara station nahi aata.

Aakansha: Tumhe kya hua hai? Aisi baate kyun kar rahe ho tum?

Abhimanyu: (smiling) Tumhe nahi pata?

Next station aata hai, kuch aur log metro me aa jate hain. Abhimanyu Aakansha ke aur kareeb aa jata hai. Ab dono kafi kareeb aa chuke hain. Aakansha Abhimanyu ko dekhti hai fir nazare hata leti hai. Abhimanyu ne pehle bhi kayi baar uska hath pakada hai, kabhi road cross karte me ya kabhi kisi chiz ke lie le jate hue, par jis tarah se aaj hath pakada hua hai wo alag hai. Ye Aakansha khud feel kar pa rahi hai.

Aakansha: Abhi!

Abhimanyu: Hmm.

Aakansha: Hath chhodo na.

Abhimanyu: (smile karte hue) Kyun?

Aakansha: (use dekhte hue) Sab dekhenge to kya sochenge?

Abhimanyu: Jo sochna hai sochne do.

Aakansha: Tumhara station bhi aane wala hai.

Abhimanyu: Hmm. I know, par main aaj nahi ja raha.

Aakansha: Matlab?

Abhimanyu: Tumhare sath chal raha hu main. Tumhare ghar.

Aakansha: Kyun?

Abhimanyu: Aaj se roz jaunga. Tumhe ghar tak drop karne.

Aakansha: Nahi uski zarurat nahi hai.

Abhimanyu: Shhh! Main jaunga.

Aakansha: Main ja sakti hu akele.

Abhimanyu: I know tum ja sakti ho, you are a strong girl. Par thoda aur time main tumhare sath reh paunga. Jab tak tum puri ki puri mere ghar pe nahi aa jati.

Aakansha: (Shyness aur awkwardness ke sath) Abhi!

Abhimanyu: Shhh! Please let me speak.

Aakansha chup ho jati hai.

Abhimanyu: Tumhe aaj kuch batana hai mujhe. Jo maine ab tak nahi bataya tha tumhe.

Aakansha: Kya?

Abhimanyu: Tumhe pata hai main tumhe kab se dekhte hue aa raha hu?

Aakansha: (in surprise) Kab se?

Abhimanyu: (muskurate hue) Jab tum apne friends ke sath jati thi. Wo Shivani aur Kartik ke sath.

Aakansha: Han to tabhi to maine bhi tumhe dekha tha.

Abhimanyu: Nahi. Tumne mujhe baad me dekha tha. Maine kayi days pehle hi tumhe dekh lia tha aur tum jo bhi karti thi, wo bas main dekhta rehta tha.

Aakansha surprised ho jati hai. Abhimanyu aage bolta hai.

Abhimanyu: Tumhari har choti choti chize mujhe achi lagti thi. To main bas dekhta rehta tha tumhe. Par kabhi samajh nahi aaya ki tumhe approach kaise karu? Kyunki main nahi chahta tha ki tum mujhe koi awara ladka samjho. Islie kabhi approach nahi kia. Aur fir tumhari behen ka rishta aa gaya.

Aakansha: Acha.

Abhimanyu: Pehle bhi kayi offers aaye the par main hamesha ye keh ke taal deta tha ki main apne profession ki ladki se hi shadi karunga. Sochta tha ki shayad kisi din tumse baat kar paunga aur shayad kuch baat aage badhegi. Par fir papa aisi ladki bhi le aaye jiska profession same tha. To bas fir papa piche pad gaye ki ab to same profession ki hi ladki hai, ladki ko mil le uske baad jo karna ho kar lena. To main mana nahi kar paya.

Aakansha bas sunti rehti hai, Abhimanyu ko dekhte hue.

Abhimanyu: Aur jab main tumhare ghar gaya aur mujhe tum mili. To bas main pagal sa ho gaya tha, ki mujhe shadi ke lie mana karna hai bas. Fir tum mili mujhe metro me aur tab tumne mujhe pehchan lia. Par main to tumhe pehle se hi janta tha.

Aakansha sab sunti rahi, aur ye baat khatam hote hote wo station bhi aa gaya jispe unhe utarna tha. Dono metro se nikal gaye aur bahar aake side me khade ho gaye. Aakansha kuch soch rahi hai aur Abhimanyu use dekh raha hai.

Abhimanyu: Kuch bolna nahi hai Aakansha?

Aakansha: Mujhe kuch samajh nahi aa raha ki main kya bolu.

Abhimanyu bhi thodi der ke lie chup ho jata hai. Dono wahin khade hue hain. Thodi der baad Abhimanyu fir se bolta hai.

Abhimanyu: Aakansha!

Aakansha: Han.

Abhimanyu: Will you… Ummhh.. Will you…?

Aakansha: Kya?

Abhimanyu: Will you marry me?

Aakansha Abhimanyu ko dekhti hai.

Aakansha: Nahi.

Abhimanyu: Kyun? Tumhe bura laga jo bhi maine bataya?

Aakansha: Nahi.

Abhimanyu: To fir?

Aakansha: Ladki ko shadi ke lie aise propose karte hain kya?

Abhimanyu: (smiles) Oh! Sorry. To kal thik se karu?

Aakansha: Nahi. Uski zarurat nahi.

Abhimanyu: To fir?

Aakansha: To fir kya?

Abhimanyu: To fir answer do na apna.

Aakansha: Nahi.

Abhimanyu: Kyun?

Aakansha: Bas nahi dena mujhe.

Abhimanyu: Ye galat baat hai.

Aakansha: Jo bhi hai, yahi hai. Ab chalo late ho rahe hain ghar ke lie.

Abhimanyu: Yes! ma’am.

Dono ek auto me beth jate hain, aur fir se dono ki baate shuru ho jati hain.

Abhimanyu: To kab bataogi?

Aakansha: Pata nahi.

Abhimanyu: Please Aakansha.

Aakansha: Naaa.

Abhimanyu: Tumhe pata hai, kitne din wait kia hai maine is moment ka. Bolo na please.

Aakansha: Chup raho. Ek to mujhe ye sab bataya nahi, aur ab bol rahe ho.

Abhimanyu: Kanshu!

Aakansha: No Kanshu.

Auto wala ghar ki road ke bahar rok deta hai. Dono auto me se utar jate hain.

Abhimanyu: Kanshu!

Aakansha: Ab tum jao. Ghar bas aa gaya.

Abhimanyu: Han chala jaunga. Pehle answer me.

Aakansha: Nahi.

Abhimanyu Aakansha ka hath pakad leta hai.

Aakansha: Tum pagal ho kya, yahan nahi please.

Itne me wahan ki light chali jati hai aur road pe andhera ho jata hai.

Abhimanyu: Aaj Bhagwan bhi mere sath hai. Ab koi bahana nahi chalega, chupchap bolo.

Aakansha: Koi dekh lega.

Abhimanyu: Itne andhere me koi nahi dekhega.

Aakansha: Abhi!

Abhimanyu: Okay! Main dhang se propose karta hu. Par abhi na to rose hai mere paas aur na koi ring hai. To please maan jana.

Aakansha: Abhi, kya kar rahe ho.

Abhimanyu: Shhh!

Abhimanyu Aakansha ka hath pakad ke, apne knees par baith gaya hai.

Abhimanyu: Miss Aakansha. Maine jab tumhe pehli baar dekha tha, tab se feel hone laga tha ki kuch hai jo hume connect karta hai. Aur ye baat tab yakeen me badal gayi jab pehli baar main tumhare ghar pe aaya tha. Fir hum mile, hamari baate hui and I started falling for you. Today, I am proposing you to be my wife. Will you marry me Kanshu?

Aakansha: Ye sab kya hai Abhimanyu.

Abhimanyu: Dekho maine aaj tak itni daring nahi ki hai, pehli baar ye himmat aayi hai, pata nahi kahan se. So, please accept my proposal na.

Aakansha: Okay!

Abhimanyu: Maan gayi?

Aakansha: Han.

Abhimanyu: Sach me?

Aakansha: Han Abhimanyu Sharma. I have accepted your proposal.

Abhimanyu: Hey Bhagwan! Kahin main pagal na ho jau.

Aakansha: Haha! Okay! Naa bol deti hu?

Abhimanyu: Ni ni.

Aakansha: Ab utho chalo.

Abhimanyu uth jata hai.

Aakansha: Okay, bye now.

Abhimanyu hath pakad leta hai.

Aakansha: Ab kya?

Abhimanyu: Nothing.

Aakansha: To fir?

Abhimanyu: Thanks, for making this day, my best day of life.

Aakansha: (smiles) Ab jane bhi do.

Abhimanyu: Mann nahi hai.

Aakansha: Tum pagal ho gaye ho.

Abhimanyu Aakansha ke dono hath apne hath me leta hai and kiss them. Aakansha smile karti hai.

Abhimanyu: Apne ghar pe jaldi se bata do ab.

Aakansha: Bata dungi. Par tum jane to do.

Abhimanyu: Okay!

Aakansha: Waise tumhare ghar pe sabko pata hai, ye sab bhi jo tumne aaj mujhe bataya?

Abhimanyu: Han.

Aakansha: Tum na…

Abhimanyu: Kya?

Aakansha: (smiles) Kuch nahi. Abhi aaj ke baare me mat batana unhe.

Abhimanyu: (muh banate hue) Kyun?

Aakansha: Hmm. Means plan tha batane ka?

Abhimanyu: Han. Mere ghar pe to party hoti aaj. Tumne sara plan hi kharab kar dia.

Aakansha: (haste hue) Shut up! Ab jao. Aur phochne ke baad, message me.

Abhimanyu: Yes! ma’am.

Aakansha: (smiles) Bye!

Abhimanyu: (smiles) Bye!

Fir Aakansha road ke andar chali jati hai aur Abhimanyu apne ghar ke lie nikal jata hai.

Wow! Aakhir wo din aa hi gaya, jiska hume intezaar tha. Abhimanyu ne Aakansha ko propose kar dia aur Aakansha ne han bhi keh dia. Is baat pe to sach me party banti hai. Main to pakka karne wali hu jake, aap log bhi kijiye. Aur aage kya hota hai, wo bhi dekhiye. Par uske lie to aapko pata hi hai, you have to stay connected with us.

The next episode of this story will be published tomorrow,  at the same time. If you are enjoying reading this story then please hit like button and share as much as you can…
Keep giving your love and support likewise.
Remain updated by the contents of the page “Talking Hearts” by liking and following it.

Stay blessed.

Feel the Love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: