Love Struck!

Episode-10

Pichle episode me dono ki dosti ho chuki thi, aur dosti bhi aisi ki dono ko ek connection feel hone laga tha. Story ke shuru se hi Abhimanyu ne is word ka use kia hai. Ye connection hota kya hai aakhir? Is connection ka matlab kya hai? Ab connection ki definition to Abhimanyu aur Aakansha ko hi pata hogi. Par hum aapko bata dete hain ki ab kya ho gaya hai aur kya hone wala hai.

Abhimanyu aur Aakansha ko baat karte hue ab 5 mahine beet chuke hain, aur ye connection ab aur bhi gehra hota ja raha hai. Dono ko ek dusre ki hamesha chinta rehti hai. Pehle din me roz mila karte the, par ab to ye silsila raat ko bhi shuru ho chuka hai. Ek dusre ki pasand napasand sab ke baare me pata kar chuke hain aur un sab chizon ka khayal bhi puri imandaari se rakhte hain. Ab to dono ko ek dusre ka pyar aur care dikhne bhi laga hai par ab tak na to Abhimanyu kuch bol paya hai aur na hi Aakansha ne kuch kaha hai. Par ek ki pareshani me dusre ko pareshan dekh kar ya ek dusre se kitna attachment hai ye feel karke, kahin na kahin dono ko hi lagta hai ki ye pyar hi hai. Par shayad dono ek dusre ke bolne ka hi wait kar rahe hain. Ya shayad Aakansha ke ghar walon ka, kyunki unhe ye to pata chal gaya hai ki dono dost hain, par kitna gehra aur strong relation hai ye abhi kisi ko nahi pata hai. Aakansha ne ghar pe bilkul waise hi bataya hai, jaise Abhimanyu ne use batane ke lie kaha tha. Par abhi bhi, bas ghar walon ko ye hi lagta hai ki ye friendship casually ho gayi hai, kyunki dono ek sath travel karte hain. Isse jyada kuch nahi hai. Ab ye sab ghar pe Aakansha aur Abhimanyu kaise bataenge ye dekhna zaroori hai. To, aaiye dekhte hain.

Aakansha calls Abhimanyu. Abhimanyu picks up the call.

Abhimanyu: Yes, Kanshu!

Arey han! Ek baat to batayi hi nahi aapko. Ab Abhimanyu ke lie Aakansha ‘Kanshu’ ho gayi hai aur Aakansha ke lie Abhimanyu ‘Abhi’ ho gaya hai. Dekha! Kaha tha na pyar hai, par ye dono maan hi nahi rahe. Bas dosti hi chalaye ja rahe hain tab se.

Aakansha: Abhi, mujhe tumse milna hai aaj.

Abhimanyu: Hmm. Wo to roz hi milte hain.

Aakansha: Han. Par aaj alag se milke baat karni hai, to kya aaj jaldi free ho sakte ho tum?

Abhimanyu: Okay! I will try, but main kuch keh nahi sakta.

Aakansha: Okay! Main wait kar lungi.

Abhimanyu: Aisi kya important baat hai?

Aakansha: Milke batati hu.

Abhimanyu: Okay!

Dono phone rakh dete hain.

Sham ko dono milte hain aur usi coffee shop me jate hain, jahan first time gaye the. Ye in dono ka meeting spot hai, jab bhi dono ko shanti me baat karni hoti hai to yahan aa jate hain. Kyunki baaki coffee shops ki tarah yahan jyada bheed nahi rehti, log kam aate jate hain, environment me shanti rehti hai. Par aaj Abhimanyu ko office se nikalne me thoda late ho gaya hai, to sham se ab raat hone wali hai, islie yahan aur bhi kam log hain.

Abhimanyu: Bolo, kya baat thi?

Aakansha: Maine tumhe bataya tha na ki didi ko dekhne ek ladka aa raha hai.

Abhimanyu: Han to?

Aakansha: To ab didi ne naye natak start kar die hain.

Abhimanyu: (smiles) Ab kya kia unhone?

Aakansha: Wo bol rahi hain ki ghar pe ye sab nautanki nahi karengi, kahin bahar ja kar milengi ladke se, aur mom dad sath nahi jaenge.

Abhimanyu: To ab?

Aakansha: To ab mom dad mujhe bol rahe hain unke sath jane ke lie.

Abhimanyu: To chali jao fir.

Aakansha: Pagal nahi hu main. Un dono ke beech main kya karungi jake. Aur maine mom ko itna samjhaya hai par wo samajh hi nahi rahi hain. Bol rahi hain, ki tujhe jana padega, hum log bhi nahi ja rahe hain.

Abhimanyu: To ab kya karna hai fir?

Aakansha: To tumhe mere sath chalna hai.

Abhimanyu: (in shock) What? Pagal ho kya? Main kyun jaunga? Main nahi jaunga.

Aakansha: Arey! Kyun nahi jaoge?

Abhimanyu: Main wahan jake kya karunga?

Aakansha: Hum bas jaenge didi ke sath, aur fir jab wo ladka aa jaega to unhe uske sath chhod denge. Aur baad me didi ke sath wapas aa jaenge.

Abhimanyu: Hum ye bhi to kar sakte hain ki tumhari didi jab us ladke se mil le uske baad main tumhare paas aa jaunga.

Aakansha: Nahi. Tumhe sath me chalna hai.

Abhimanyu: Par kyun?

Aakansha: Kyunki main bol rahi hu.

Abhimanyu: Main nahi ja sakta. Kitna awkward lagega.

Aakansha: Isme awkward kya lagega?

Abhimanyu: Tum pagal ho kya? Tumhe pata nahi hai kya ki main tumhari behen ko dekhne aaya tha pehle.

Aakansha: Tumhe meri behen se shadi karni hai?

Abhimanyu: Ohoo.. Nahi karni. Par awkward lagega. Tum kya keh ke introduce karaogi mujhe? Ki ye wo ladka hai jo pehle didi ko dekhne aaya tha.

Aakansha: Very funny! Par mujhe hasi nahi aayi.

Abhimanyu: Tum samajh kyun nahi rahi?

Aakansha: Thik hai mat jao. Main ja rahi hu. Bye.

Abhimanyu: Arey! Coffee to pi lo ab.

Aakansha: (bahar nikalte hue) Mujhe nahi pini. Tum hi pi lena dono.

Abhimanyu: (Aakansha ke piche jate hue) Kanshu please. Stop na.

Aakansha ruk jati hai aur bolti hai, “Tumhe kyun nahi jana?”

Abhimanyu: Dekho Kanshu! Abhi tumhare ghar wale nahi jante hain ki hum itne ache friends hain. Aur aise achanak se unke samne jaunga to unhe ho sakta hai acha na lage.

Aakansha: Thik hai.

Aakansha coffee shop se bahar nikal jati hai. Abhimanyu uske piche piche aa raha hai.

Abhimanyu: (Aakansha ko awaz lagate hue) Kanshu! Kanshu! (khud se baat karte hue) Hey Bhagwan! Ye ladki bhi na, sunti nahi hai. Isi se pyar karwana tha aapko bhi. Ziddi hai, ek number ki.

Abhimanyu ab bhagta hai aur Aakansha ka hath pakad leta hai use rokne ke lie.

Abhimanyu: Don’t go like this na.

Aakansha: Tumhe nahi jana hai na, main ab nahi bol rahi hu tumse. Mujhe jane do par.

Abhimanyu: You know ki main tumhe aise nahi jane dunga. Chalo coffee pite hain.

Aakansha: Nahi jana mujhe. Bola na.

Abhimanyu: Kyun nahi jana?

Aakansha: Kyunki tumhe nahi jana mere sath.

Abhimanyu: Dekho tumhare ghar wale aise suddenly mujhe dekhenge, to wo kaise react karenge pata nahi.

Aakansha: Tumhe kabhi na kabhi to mere ghar walon ko face karna hi hai na, ya tumhe nahi batana hai ki hum dost se jyada hain? Aur tumne hi to kaha tha na ki humare baare me kisi ek ko pata rahega to acha hoga. To ab kyun nahi jana tumhe?

Abhimanyu: Han maine bola tha……. (and suddenly he realises and smiles) Tumne abhi kya bola?

Aakansha: Kuch nahi.

Aakansha ke muh se galti se wo sab nikal gaya tha, jo use bolna nahi tha shayad.

Wo lines thi, “Tumhe kabhi na kabhi to mere ghar walon ko face karna hi hai na, ya tumhe nahi batana hai ki hum dost se jyada hain? Aur tumne hi to kaha tha na ki humare baare me kisi ek ko pata rahega to acha hoga. To ab kyun nahi jana tumhe?”

Ye wahi lines thi jinhone Abhimanyu ko bhi ye realise kara dia tha that yes, she also likes him. Ye sab bolne ke baad Aakansha ko bhi laga ki usne ye kya bol dia. Aur wo chup ho gayi.

Abhimanyu: (smile karte hue) To hum dono dost se jyada hain?

Aakansha: (zameen ki taraf dekhte hue) Main ja rahi hu.

Abhimanyu again holds her hand  to stop her. He is in front of her.

Abhimanyu: Please mat jao. Main chalunga tumhare sath.

Aakansha: Nahi. Koi zarurat nahi hai.

Abhimanyu: I am sorry Aakansha.

Aakansha: No need of all this.

Abhimanyu: I know. Par fir bhi, I am sorry. Mujhe nahi pata tha ki tum kyun bol rahi ho mujhe, tumhare sath jane ke lie.

Aakansha ab bhi niche hi dekh rahi hai.

Abhimanyu: Acha chalo ab upar dekho. Meri taraf. (after a pause) Oye! Sun rahi ho?

Abhimanyu uske face ke samne apna face lane ki koshish karta hai, ki bas Aakansha ek baar use dekh le par wo face dusri taraf kar leti hai.

Abhimanyu: (Pyar se) Please! Meri taraf dekho na Kanshu.

Aakansha Abhimanyu ko dekhti hai, par uski aankhon me aansu hain, jo bas girne hi wale hain. Aur Abhimanyu ko dekhte hi wo aakhon se beh gaye. Ye dekhte hi Abhimanyu uske aansu pochta hai.

Abhimanyu: (aansu pochte hue) Shhh! Aise karte hain kya? I am really sorry Aakansha.

Jaise hi wo ye sab bolta hai, wo aur jyada rone lagti hai.

Abhimanyu: (fir se aansu ponchte hue) Please na Aakansha, don’t cry. I am not liking them at all. Aur ye meri wajah se nikal rahe hain islie aur acha nahi lag raha mujhe. Please don’t cry.

Ye bolte hue Aakansha ko hug kar leta hai. Aakansha hugs him back and put her head on his shoulders. Abhimanyu start patting her head softly. For a few minutes, both stays like this. Then, they get away.

Aakansha aur Abhimanyu ek dusre ko dekhte hain. Abhimanyu fir se, Aakansha ke aansu pochta hai aur uske baal kaan ke piche karta hai. Aur bhot pyar se puchta hai, “Tum thik ho na?”

Aakansha han me sir hila deti hai.

Abhimanyu: Mujhse gussa to nahi?

Aakansha fir na me sir hila deti hai.

Abhimanyu: Main chalunga tumhare sath. Thik hai na.

Aakansha fir se “Okay!” ka ishara kar deti hai.

Abhimanyu: Bolna nahi hai mujhse?

Aakansha chup rehti hai. Abhimanyu fir se uska hath pakad leta hai aur bolta hai, “Sorry na! Please maaf kar do. Dekho ab to main kaan bhi pakad raha hu” (dono kaan pakadte hue)

Aakansha: It’s Okay!

Abhimanyu: Thank God! Tumne kuch kaha to sahi.

Aakansha: Ab chale ghar?

Abhimanyu: Hmm.

Dono metro station ki taraf jate hain.

Aap soch rahe honge ki Aakansha royi kyun? Kabhi kabhi emotions me aake aisi chize ho jaya karti hain, wahi hua Aakansha ke sath bhi. Chaliye ye jo bhi hua acha hi hua, kabhi kabhi is tarah se bhi pyar samne aana chahiye.

Waise ab to Abhimanyu ko pata chal chuka hai ki Aakansha ke mann kya hai. Janta to wo pehle se hi tha par ab to bilkul confirm ho chuka hai. Pata nahi usse apne mann ki baat kyun nahi bolta. Ye time shayad jald hi aane wala hai dono ki life me jab dono ek dusre ko khul ke izhaar kar paenge apne pyar ka. Ye kab hoga aur kaise hoga use dekhne ke lie hum se jude rahiye aur story ka maza lete rahiye. Please stay connected with us.

Next episode of this story will be published tomorrow, at the same time. If you liked this episode, then hit like and share….. If you want to follow the story, please like and follow our page, “Talking Hearts.”

Stay blessed.

Feel the love ❤ 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: