Love Struck!

Episode-9

Ab tak story me ye hua tha ki Aakansha ke friends wapas aa gaye the, aur unhone Aakansha ko logically ye samjha dia tha ki Abhimanyu uske lie ek stranger hai, aur kisi ajnabee se itni dosti achi nahi hoti. Aakansha bhi islie Abhimanyu se dur rehne lagi thi. Jiski wajah se Abhimanyu ne bhi usse dur hone ka faisla kar lia tha. Ab aage kya hota hai wo dekhte hain.

Decide karne ke baad, next day wo metro me to jata hai, par us compartment me nahi jahan Aakansha hoti hai. Ab na wo uske samne pad raha hai aur na use message kar raha hai. Jaise Aakansha ke aane se pehle normal life jee raha tha, waise hi reh raha hai. Ye sab mushkil hai uske lie, par wo puri koshish kar raha hai.

Par Aakansha ko Abhimanyu se baat na karke kya lag raha hai, wo khush hai ya nahi? Nahi, Aakansha khush nahi hai. Wo chizon ko samajhna chahti hai, par kuch chize shayad dil se hoti hain. Jaise Bhagwan pe astha, kuch log ise logically samajhne ki koshish karte hain, to kuch bas dil se mehsoos kar pate hain. Pyar, love, mohabbat bhi kuch aise hi hoti hai, jitna usme logic lagaoge utna uljhoge, pyar bas feel kia ja sakta hai, usme maths ke formulas lagana thik nahi.

To bas Aakansha Abhimanyu ko miss kar rahi hai, par samajh nahi pa rahi kyun? Fir khud hi jawab dene lagti hai, ki shayad baat karne ki aadat ho gayi thi usse islie, kuch din me sab thik ho jaega. Aur ab wo kuch din bhi beet gaye hain, par uska haal wahi hai, wo roz metro me intezaar karti hai, par wo nahi aata, wo roz phone ko dekhti hai, par koi message nahi hota. Pareshan rehti hai, par kisi se keh nahi pati, kyunki kisi ko bataya hi nahi tha usne Abhimanyu ke baare me. Aakansha ke ghar pe sab pareshan hain ki ise hua kya hai? Na dhang se khati hai, na baat karti hai, bas apne room me rehti hai kaam se wapas aane ke baad. Tab uske parents Aasha se puchte hain.

Aakansha’s mom: Aaj fir aadha adhura khana khaya hai isne. Pata nahi kya ho gaya hai ise?

Aakansha’s dad: (Aasha se puchte hain) Tujhe kuch bataya hai kya isne? Hospital me to koi problem nahi?

Aasha: Nahi papa. Aisa to kuch bhi nahi hai. Pata nahi kyun chup hai kuch din se. Main baat karungi.

Aakansha’s mom: Main bhi chalti hu tere sath.

Aasha aur uski mom room me jate hain aur dekhte hain ki Aakansha bed pe leti hui hai.

Aakansha’s mom: Chutki!

Aakansha: (mom ki taraf dekhte hue) Han mom.

Aakansha’s mom: Sab thik hai na beta?

Aakansha: Han. Kyun kya hua?

Aasha: To fir tu thik se kyun nahi rehti. Bas room me hi ghusi rehti hai jab dekho.

Aakansha: Nahi. Aisa kuch nahi hai. Bas thoda thak jati hu islie.

Aakansha’s mom: Kuch hai to bata de beta.

Aakansha: Kuch nahi hai mom.

Aakansha’s mom: Thik hai. Agar kuch nahi hai to thik se raha kar, khana bhi nahi khati hai tu thik se.

Mom room se chali jati hain.

Aasha: Sach sach bata kya hai?

Aakansha: Kuch nahi hai, bola to.

Aasha: Aaj kal tu raat me chatting bhi nahi kar rahi. Usi se ladayi hui hai kya?

Aakansha: Main kisi se chatting nahi karti.

Aasha: Mujhe pagal samjha hai kya? Jaldi bata.

Aakansha: Koi nahi hai, sach.

Aasha: Tu batati hai ya bulau mumma papa ko?

Aakansha: Jo bhi tha, ab nahi hoti usse baat.

Aasha: Kyun kya hua? Ladayi ho gayi?

Aakansha: Maine hi baat karni band kar di.

Aasha: Kyun?

Aakansha: Mujhe lagta hai ye sab karna thik nahi hai.

Aasha: Agar aisa lagta hai, to pareshan kyun hai?

Aakansha: Pata nahi. Shayad aadat ho gayi thi baat karne ki islie.

Aasha: To ab wo bhi baat nahi karta tujhse?

Aakansha: Hmm. Shayad use samajh aa gaya hai, main use ignore kar rahi hu, islie ab usne bhi band kar dia hai.

Aasha: To ab tu use message kar.

Aakansha: Kyun?

Aasha: Usne kuch badtamizi ki thi tere sath?

Aakansha: Nahi.

Aasha: To fir kyun ignore kar rahi hai?

Aakansha chup rehti hai.

Aasha: Thik se soch le ek baar, ki ye sab jo tu kar rahi hai, ye tu khud chahti bhi hai? Kyunki teri Shakal kuch aur bata rahi hai.

Aakansha: Aapko is sab se koi problem nahi?

Aasha: Kyun? Kya problem hogi? Ladka handsome hai?

Aakansha: (smile comes back to her face) Han.

Aasha: Caring hai?

Aakansha: (kuch incidents yaad karti hai aur bolti hai) Han.

Aasha: Bas to fir kya problem hai?

Aakansha: Ye sab bhot jaldi ho raha hai.

Aasha: Jyada mat soch. Bas jo mann me hai kar de. Agar koi problem hui, to ye love guru hai hi tere sath.

Aasha aur Aakansha dono smile karti hain. Aakansha Aasha ko hug kar leti hai.

Aasha: Ab message kar le use.

Aakansha: Han. Karti hu.

Aakansha Abhimanyu ko message karti hai aur wait karti hai uske reply ka. Par…. Is baar wahan se koi reply nahi aata. Aakansha Aasha se kehti hai.

Aakansha: Didi! Abhi tak reply nahi aaya.

Aasha: Ab tune use pareshan kia hai, to wo bhi thoda gussa to dikhaega na. Tu try karti reh, kabhi na kabhi to reply aaega.

Aakansha: Hmm. Tum sahi bol rahi ho.

To ab har roz Aakansha ek message Abhimanyu ko bhejti hai, par koi reply nahi aa raha Abhimanyu ka. Aakansha fir se udas rehne lagti hai, Aasha uski himmat badhati hai. Uske mind me chal raha hai, “Pichli baar jab wo aise gayab hua tha to aa gaya tha 3-4 days me, par ab to hafte ho gaye hain, wo nahi aaya. Na hi ab message karta hai, even mere messages ka reply bhi nahi kar raha. Kya hua hai use?”

Wo Abhimanyu se baat karna miss kar rahi hai. To finally, Aakansha ek din free time me Abhimanyu ko messenger ke through, call karti hai.

Abhimanyu dekhta hai that Aakansha is calling him, par wo ignore karta hai, aur phone kat jata hai. Aakansha ka call fir se aata hai, par hero aur kitna ignore karega, usse raha nahi jata aur wo receive kar hi leta hai.

Aakansha: (Bhagwan ko thank you bolte hue) Hello!

Abhimanyu: Hi!

Aakansha: Aaj free ho?

Abhimanyu: Kis lie?

Aakansha: Wo tumne us din bola tha na, milne ke lie.

Abhimanyu: Han. Us din ko kafi din ho gaye hain.

Aakansha: (guilty feel karte hue) Yeah! But agar tum free ho to we can meet.

Abhimanyu: (gusse me) Main sham ko free nahi hu. Mujhe kahin jana hai.

Aakansha: (sad) Thik hai.

Abhimanyu dekhna chahta hai ki Aakansha sach me usse milna chahti hai ya sirf show kar rahi hai, islie wo bolta hai.

Abhimanyu: Waise main lunch time me free hu.

Aakansha: (happy) Okay! Milte hain fir.

Abhimanyu aur Aakansha sath me lunch karne ke lie ek jagah par milte hain. Abhimanyu ke mann me bhot kuch hai par khud ko sambhalte hue.

Abhimanyu: (with a fake smile) Hi!

Aakansha: (smiles) Hi!

Dono apne orders de dete hain aur baat aage badhti hai.

Aakansha: Kaise ho?

Abhimanyu: (sarcastically) Acha hu. Dekh hi rahi ho tum.

Aakansha: Aaj kal busy ho kya?

Abhimanyu: Kyun?

Aakansha: Nahi. Bas aise hi. Tumne message karna band kar dia hai, islie bas.

Abhimanyu: (khud ko rokne ki koshish karta hai par rok nahi pata) Tumhe sach me baat karni hai mujhse?

Aakansha: Kya matlab?

Abhimanyu: Kuch nahi.

Aakansha: (insisting) Bolo Abhimanyu.

Abhimanyu ki aankhe thodi lal aur gili ho jati hain.

Abhimanyu: Main kya bolu Aakansha? Tumne mujhse friendship ki thi. Maine tumhe itna sa bhi force nahi kia kisi bhi chiz ke lie. Then why were you ignoring me?

Aakansha chupchap sunti hai bas, Abhimanyu aage bolta hai.

Abhimanyu: Aur tumhe agar lagta hai ki main layak nahi hu tumhari dosti ke to bol sakti ho. Metro me aur bhi compartments hain jinme main ja sakta hu. So, tell me please.

Aakansha: Aisa nahi hai Abhimanyu.

Abhimanyu: To kaisa hai? Kya ye maine notice nahi kia ki jabse tumhare friends aaye hain tab se tumhara behaviour change ho gaya hai. Jab tak wo nahi the, you were talking to me ab tumhe meri zarurat nahi hai.

Aakansha: Aisa nahi hai.

Abhimanyu: Jab tumhara mann karta hai tum mujhe ignore karti ho, jab mann karta hai mujhse milne aa jati ho.

Aakansha kuch keh paye Abhimanyu usse pehle hi bolne lagta hai.

Abhimanyu: Aur aaj main sab full and final karne aaya hu. I am sorry maine tumse dosti karne ki koshish ki, tumhe shayad yahi lag raha hoga ki ye ladka mere piche pad gaya hai, jaise wo school me tha, right? Tumhe aaj ke baad main kabhi pareshan nahi karunga.

Abhimanyu jane ke lie khada ho jata hai.

Aakansha: Abhimanyu please stop!

Abhimanyu: Why?

Aakansha: Please baith jao.

Abhimanyu baith jata hai.

Aakansha: (aankhe niche karke) I am sorry. (Ab Aakansha ki aakhon me bhi pani hai, jo Abhimanyu dekh nahi pa raha)

Abhimanyu: Kitni baar bologi Aakansha? Tumhe ye sab acha lagta hai shayad.

Aakansha: Nahi aisa kuch nahi hai. Tumhe kuch batana hai mujhe.

Abhimanyu: Bolo.

Aakansha: Kal se wo dono nahi aaenge.

Abhimanyu: Oh! Great. To islie fir se friendship karne aayi ho?

Aakansha ko Abhimanyu ki ye baat chubhti hai.

Aakansha: (Abhimanyu ko dekhte hue) Aise mat bolo please.

Abhimanyu notice karta hai ki Aakansha ki aankhon me aansu hain, wo chup ho jata hai. Use acha nahi lagta ki usne Aakansha ko itna bola. Abhimanyu chup hai aur Aakansha apni baat bolti hai.

Aakansha: I am sorry. Par main kuch soch nahi pa rahi thi tab, I know tumhe hurt hua hoga.

Abhimanyu: (use chup karane ki koshish karte hue) Acha thik hai. Ab shant ho jao please.

Aakansha: (aansu bas aankh se girne hi wale hain) Agar maine ye fir se kia to, tumhe jo punishment dena ho de sakte ho. Par abhi ke lie I am sorry.

Abhimanyu Aakansha ko distract karne ki koshish karta hai.

Abhimanyu: Aur abhi punishment dena ho to?

Aakansha: (Abhimanyu ki taraf dekhte hue) Okay! Dedo.

Abhimanyu: Thik hai to punishment ke lie ready ho jao.

Aakansha: Kya punishment hai?

Abhimanyu: Abhi jitna bhi khana order kia hai wo sab tumhe hi khana hai.

Aakansha: Kya? Wo do logon ka khana hai.

Abhimanyu: (serious face bana ke) It’s a punishment. Karna padega. Nahi to main ja raha hu.

Aakansha: (use rokte hue) Okay! Okay! Thik hai main try karti hu.

Abhimanyu: Try nahi. Maine jo bola hai wo karna padega.

Aakansha: Tumhe aur koi punishment nahi mila kya? Main moti ho jaungi.

Abhimanyu: Han baar baar ignore karogi to moti to hogi hi.

Aakansha: Matlab?

Abhimanyu: Matlab ye abhi first time ignore karne ka punishment hai, second time jo tumne kia hai uska punishment fir kisi din dunga.

Aakansha: (making sad face) Okay!

Itne me khana bhi aa jata hai.

Abhimanyu: Ab khao ise.

Aakansha: Abhimanyu! Ye to bhot sara hai.

Abhimanyu: Shushh! Khana khate me bolte nahi hain, chupchap khao.

Aakansha khane lagti hai, Abhimanyu use dekh ke smile kar raha hai. Aakansha ko jitni bhook hoti hai, utna to aaram se kha leti hai par ab usse khana khaya nahi ja raha hai. Aur wo baar baar Abhimanyu ko dekh rahi hai, aur Abhimanyu use ghurte hue khilaye ja raha hai. Last me jab Aakansha se bilkul nahi khaya jata, to Abhimanyu use rok deta hai, aur wo plate apne paas kheench leta hai.

Aakansha: Ye kya kar rahe ho?

Abhimanyu: I know, ab tum nahi kha paogi.

Aakansha smile karti hai. Abhimanyu baki ka khana kha leta hai.

Aakansha: I am sorry!

Abhimanyu: Ye sab mat bola karo tum, mujhe acha nahi lagta.

Aakansha: (smiles) Okay! (after a break) Kabhi kabhi baat karna zaruri hota hai aur hum hamesha time par messages dekh nahi pate, islie kya hum call pe bhi baat kar sakte hain?

Abhimanyu surprised hota hai Aakansha ki is pehel ko dekh ke, aur fir apna number use de deta hai.

Dono in sab baaton ke baad apne apne work places pe chale jate hain. Raat ko Abhimanyu apne room me aaya hi hai ki surprisingly Aakansha ka call aata hai.

Abhimanyu: Hi!

Aakansha: Hi!

Abhimanyu: Call kaise kia tumne?

Aakansha: Wo aaj didi nahi hain ghar pe.

Abhimanyu: Okay! Chalo acha hai hume disturb nahi hoga, waise bhi bhot din baad baat kar rahe hain.

Aakansha Abhimanyu ki is baat pe smile karti hai.

Aakansha: I am sorry.

Abhimanyu: It’s okay! Ab baar baar mat bolo. Bas aisa fir mat karna.

Aakansha: Kabhi nahi.

Abhimanyu: (smiles) Waise number dene ke lie thanks. Itne din ki tapasya kaam aa gayi.

Aakansha: (smiles) Nahi. I was a fool jo main ye sab samajh nahi pa rahi thi.

Abhimanyu: Kya?

Aakansha: That I also like talking to you.

Abhimanyu: To ab kaise samajh me aaya?

Aakansha: (guilt ke sath) Wo jab tumne baat karna band kia tab samajh aaya.

Abhimanyu: (smiles) Hmmm?

Aakansha: Hmmm.

Abhimanyu: I know, tumne socha hoga ki ye mere piche pada hai aur mujhe isse baat nahi karni chahiye.

Aakansha: Nahi, maine aisa kuch nahi socha tha.

Abhimanyu: To kya socha tha?

Aakansha: Yahi, ki main itni jaldi tumse itna close kaise ho gayi?

Abhimanyu: Kabhi kabhi mann ki baate bhi maan leni chahiye. Sab kuch logic ke sath nahi hota.

Aakansha: Yeah!

Abhimanyu: Waise tumhare wo friends fir se kahin ja rahe hain?

Aakansha: Nahi. Maine unhe bola hai ki kal se main metro se nahi jaungi.

Abhimanyu: Matlab? To kaise jaogi?

Aakansha: Unhe bola hai bas.

Abhimanyu: Matlab?

Aakansha: Matlab hum dono kisi dusre compartment me board kar sakte hain. Hume unke sath jane ki zarurat nahi hai.

Abhimanyu: (smiles) Oohh! Ye tum hi bol rahi ho?

Aakansha: Kyun? Kya hua?

Abhimanyu: (haste hue) Nahi, kuch nahi. Bas tumhare friends ko pata chala to acha nahi lagega unhe.

Aakansha: Wo tab Dekhenge.

Abhimanyu: (smiles) Ye sab tum mere lie kar rahi ho?

Aakansha: Nahi. Mujhe khud bhi jana hai tumhare sath…. (sambhalte hue) I mean, mujhe lagta hai wo jyada kar rahe hain, islie main jana nahi chahti unke sath.

Abhimanyu: (smiling) Okay!

Abhimanyu and Aakansha keep talking to each other. Unhe time ka bilkul dhyan nahi rehta. Bas dono baate kar rahe hain. Tabhi Aakansha ki nazar ghadi par jati hai aur wo chillati hai.

Aakansha: Oh God!

Abhimanyu: Kya hua?

Aakansha: It’s 3:35.

Abhimanyu: (smiles) Acha to.

Aakansha: Acha to kya? Time ka pata nahi chala aur hum baat kie ja rahe hain.

Abhimanyu: You know Aakansha.

Aakansha: What?

Abhimanyu: I was talking about this connection.

Aakansha smiles, Abhimanyu further says,

Abhimanyu: I like talking to you, you like talking to me and time flies.

Aakansha: (smiling) Okay!

Abhimanyu: Par I think ab hume so jana chahiye nahi to subah main office nahi ja paunga aur tum hospital.

Aakansha: Yeah!

Abhimanyu: To…. Should we go?

Aakansha: I… don’t know.

Abhimanyu: To aur baate karni hain?

Aakansha: Han. (sambhlte hue) Nahi.. I mean, we should go.

Abhimanyu: (smiling) Okay! Miss Gussel. Good night and have beautiful dreams. We will meet tomorrow.

Aakansha: (smiling) Yeah! Okay! Good night. Mr. Calm.

Abhimanyu laughs. Both say, “Bye!” and hang up.

To finally, Aakansha ke friends ne jo baat bigaadi thi wo ab sudhar gayi hai, ab kuch acha ho raha hai. Ab tak jo bas Abhimanyu Aakansha ke lie feel karta tha, pehli baar laga ki Aakansha bhi wahi feel kar rahi hai. Isilie to uska mann nahi tha subah ke 3:35 baje bhi sone ka, wo bas baat karna chahti thi Abhimanyu se, par keh nahi payi. To ab dekhna ye hai ki dono kis tarah apni feelings ko express karte hain? Miss Gussel gusse me aur Mr. Calm pyar se ya kuch ulta hoga? Ye dekhne ke lie, please stay connected with us.

Next episode will be published tomorrow, at the same time. We hope you are liking our story. If yes, then please comment, like and share… To remain update with the story, please like and follow our page “Talking Hearts.”

Stay blessed.

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: