Love Struck!

Episode-8

In previous episode, Aakansha and Abhimanyu went to a café and talked about different stuffs.

They both are liking each other’s company. The connection about which Abhimanyu was talking is started to form. Par har achi chiz me kuch bura to hona hi hota hai, to ab hamare hero heroine ke sath kyun nahi hoga. Aur wo bura ye hai ki Aakansha ke friends jo kuch din ke lie bahar gaye the, wo wapas aa gaye hain aur unhe Aakansha ka Abhimanyu se baat karna pasand nahi aa raha hai. To dekhte hain ki wo kis tarah hamare hero aur heroine ki chalti hui story me stop lagane ki koshish karte hain.

Aakansha ke sath aaj Shivani aur Kartik bhi hain, teeno ek dusre se baat kar rahe hain. Aakansha ne unhe ab tak ye nahi bataya hai ki wo Abhimanyu se baat karne lagi hai. Abhimanyu ka station bhi aa gaya hai aur wo metro me board karta hai. Abhimanyu jab Aakansha ke sath uske friends ko dekhta hai to uski khushi waise hi aadhi ho jati hai, par wo aage badh ke baat karne ki koshish karta hai.

Abhimanyu: Hi!

Aakansha: (smile karte hue) Hi! Inse milo, ye hai Shivani aur ye hai Kartik.

Abhimanyu: (dono ki taraf dekh ke smile karte hue) Hey!

Shivani aur Kartik smile back. Abhimanyu ab aage baat karne ja hi raha hai ki Shivani use baat nahi karne deti.

Abhimanyu: (Aakansha se puchta hai) Kaisi ho?

Par isse pehle Aakansha koi answer de, Shivani usse koi aur baat karne lagti hai.

Shivani: Aakansha tujhe yaad hai tere piche school me ek ladka pada hua tha aur tune use kaise bhav nahi dia tha.

Aakansha: (Abhimanyu ko dekhte hue) Han. Par uski baat abhi kyun kar rahi hai?

Shivani: Nahi bas aise hi, mujhe yaad aa gayi uski.

Abhimanyu Aakansha ko dekh ke smile karta hai aur Aakansha use dekh ke smile karti hai. Aakansha ko bhi acha nahi lag raha hai, jis tarah se Shivani Abhimanyu ko ignore kar rahi hai. Aur ab use samajh aa raha hai ki kuch din pehle jab wo bhi aise hi ignore kar rahi thi aur comments pass kar rahi thi tab Abhimanyu ko kaisa feel hua hoga. Ab Abhimanyu ko bhi samajh aa gaya hai ki jab tak Aakansha ke friends hain wo usse baat nahi kar paega. To wo bas chup hoke sab dekh raha hai, beech beech me Aakansha use dekhti hai to bas smile kar deta hai. Finally, uske friends ka station aa jata hai aur wo chale jate hain. Abhimanyu Aakansha ke paas aata hai.

Abhimanyu: Hey!

Aakansha: (thoda upset hoke) I am sorry. Mere friends thoda weird behave kar rahe the.

Abhimanyu: It’s okay! Unhe pata nahi hoga ki hum baat karne lage hain. Islie wo pehle jaise hi behave kar rahe hain.

Aakansha: Yeah! But ye sab sochke mujhe bura lag raha hai ab.

Abhimanyu: Kyun?

Aakansha: (sad face banate hue) Yahi ki kuch days pehle main bhi yahi sab kar rahi thi tumhare sath.

Abhimanyu: Don’t be sorry. Tumhe jo sahi laga wo kar rahi thi, aur ab bhi tum sahi kar rahi ho. And I don’t want to see this sad face of my friend. So, will you smile please?

Aakansha smile kar deti hai, par andar se ab bhi use bura lag raha hai, jo bhi usne kia Abhimanyu ke sath.

Aakansha: Main kal in dono ko samjha dungi.

Abhimanyu: (smiles) It’s your wish Miss.

Abhimanyu ka ye side dekh ke Aakansha ko acha lagta hai. Lagataar ek month tak aise hi comments sunne ke baad bhi Abhimanyu ne Aakansha se aake baat ki thi, aur aaj bhi kitni aasani se wo un dono ki baate bhul gaya. Dhire dhire use samajh aane laga hai, ki Abhimanyu ek acha ladka hai. Wo sab chize dil se karta hai, bilkul waise hi jaise Aakansha karti hai. Aakansha yahi sab soch rahi hai aur tabhi uska station aa jata hai.

Abhimanyu: Aakansha!

Aakansha: Han.

Abhimanyu: Kya hum mil sakte hain?

Aakansha: Sham ko?

Abhimanyu: (hichakte hue) Ummh.. Yeah! Agar tumhe thik lage to.

Aakansha: Main bata dungi agar free hui to.

Abhimanyu: (smile karte hue) Okay!

Aakansha: (smiling) Bye!

Abhimanyu: Bye!

Waise dekha jaye, to Aakansha ke friends ke is attitude ne Aakansha ko realise kara dia ki usne galat kia tha. Aur Aakansha ko Abhimanyu ke ek kadam aur kareeb le aaye. Dhire dhire hi sahi par Aakansha ko Abhimanyu ki chize achi lag rahi hain. Ab janna ye hai ki is tarah se uske friends kab tak ye karte rahenge, ya ise khatam karne ke lie Aakansha kuch karti hai?

Aakansha is waqt Shivani se call pe baat kar rahi hai aur aaj jo bhi usne Abhimanyu ke sath kia uske lie bol rahi hai.

Aakansha: Shivani ye acha ni tha jo bhi tha. Humne decide kia tha na ki ab hum use pareshan nahi karenge. To kyun kia ye sab fir?

Shivani: Han. Use pareshan na karne ka socha tha, par usse friendship karne ka nahi.

Aakansha: Kyun kya kharabi hai friendship karne me?

Shivani: Ab tu kisi bhi aane jane wale se friendship kar legi kya?

Aakansha: Kya matlab hai tera?

Shivani: Mera matlab hai, ki kitna janti hai tu use? Bas ek baar hi to mili hai. Aur kuch days se metro me mil raha hai wo tujhe. Aur tune usse friendship kar li.

Aakansha sochti hai ki abhi to ise ye nahi pata ki maine uski request bhi accept karli hai aur uske sath coffee pe bhi gayi thi. Wo soch me pad jati hai ki kya wo sahi kar rahi hai ya uski dost jo bol rahi hai wo sahi hai.

Shivani: Bolti kyun nahi hai.

Aakansha: Yaar wo acha ladka hai. Islie dosti kar li.

Shivani: Sare ladke aise hi dikhate hain ki wo kitne ache hain. Baad me asliyat samne aati hai. Islie bol rahi hu tu usse dur reh.

Aakansha: Thik hai, par tu aage se aisa kuch nahi karegi.

Shivani: Thik hai.

Shivani phone rakh deti hai. Aur Aakansha soch me pad jati hai ki kya usne ab tak jo kia wo sahi tha? Usne Abhimanyu ke baare me ghar pe bhi nahi bataya hai. Ye sab wo sahi kar rahi hai kya? Yahi sab soch rahi hai ki Abhimanyu ka message uske phone me aa jata hai.

Abhimanyu: Hey! Whts up?

Aakansha: Nothing. Just hvng lunch.

Abhimanyu: Ok. Den whts the plan of today?

Aakansha: (Pehle type karti hai) Ok. I will be there in the evening. (par fir delete karke type karti hai aur send kar deti hai) Sorry, aaj kaam jyada hai, I will not be able to come.

Abhimanyu ye padh ke thoda upset ho jata hai, par patience rakhta hai. Aur bas “Ok.” bolke baat khatam kar deta hai.

Sham ko Abhimanyu ghar jata hai aur dinner ke baad apne room me aake Aakansha ko message karta hai. Aakansha us message ka reply bhi bhot der me karti hai aur ye bolti hai, “Hey! I can’t be able to talk to u today. Hospital me kaam jyada tha to thak gayi hu.”

Ye kya ho raha hai? Aakansha to Shivani ko convince karne gayi thi, wahan se khud hi convince hoke aa gayi ki use Abhimanyu se baat nahi karni chahiye. Hamesha story me friends help karte hain aur yahan dekho, ye to unhe alag karne ki koshish kar rahe hain. Is waqt mujhe us Shivani pe bhot gussa aa raha hai. Use kya zarurat thi is tarah se Aakansha ko rokne ki. Par dekhte hain aage kya hota hai.

Abhimanyu fir se bas “Ok.” send kar ke let jata hai. Aur sochne lagta hai ki achanak Aakansha ko ye kya ho gaya hai, wo kyun aise behave kar rahi hai. Abhimanyu ko acha nahi lag raha ye sab, par wo sochta hai ki shayad wo sach ho jo Aakansha ne kaha hai. To wo khud ko positive rakhte hue sone ki koshish karta hai.

Next day wo fir jata hai, aur fir uske sath wahi hota hai, pehle uske dost baat nahi karne dete aur baad me Aakansha bhi Abhimanyu se thik se baat nahi karti aur chali jati hai. Raat me bhi ab Aakansha ne chat karna band kar dia hai.

Ab is sab ko, 15 din ho gaye hain, kuch bhi sudhra nahi hai, Abhimanyu bhi udas rehne laga hai, use jo lag raha tha ki Aakansha usse ache se baat karne lagi hai aur use samajhne lagi hai, wo bhi usse thik se baat nahi kar rahi hai. Itna hurt wo tab bhi nahi hua tha, jab Aakansha use khul ke ignore kar rahi thi. Use samajh nahi aa raha hai ki kaise ye sab thik kare. Use sad aur pareshan dekh ke ghar pe baki log bhi pareshan hain. Fir uski mom use samjhati hain.

Abhimanyu’s mom: Dekh beta aise pareshan rehne se kuch nahi hoga, agar wo tere lie bani hai to wo wapas aaegi aur agar nahi to tu kitni bhi koshish kar le kuch nahi hoga.

Abhimanyu: Aap sahi bol rahi ho maa. Par kam se kam mujhe bata ke to karti. Mujhe ignore kar rahi hai aur pretend kar rahi hai ki jaise aisa kuch bhi nahi hai. Mujhe bilkul acha nahi lag raha.

Aashish: I think, tujhe is sab se thoda break lena chahiye. Tu abse nahi jaega metro se, ya kisi aur compartment me ja. Wahan ja hi mat jahan wo log hain.

Abhimanyu’s mom: Aashish thik bol raha hai. Ab tu wahan nahi jaega.

Abhimanyu: Maa, wo baat nahi hai. Mujhe bhi nahi jana hai wahan pe, aise khud ko ignored feel krake kise acha lagta hai. Par sab kuch acha ja raha tha, jab tak wo log nahi aaye the.

Aashish: Arey to wo bacchi hai kya? Jo unki baaton me aa gayi.

Abhimanyu: Chhod na Aashish. Ab main nahi jaunga wahan. Khatam karte hain ise.

Abhimanyu’s mom: Aur ye bigadi hui Shakal nahi dekhni hai hume teri.

Abhimanyu: (smiles) Nahi bigadegi.

Aashish: (smiles) Yes! Smile bro.

Aashish Abhimanyu ke gale lagta hai aur maa Abhimanyu ke gaal khichti hain.

Aabhimanyu’s mom: Tu pareshan mat ho, hum tere sath hain.

Abhimanyu: I know maa. (smiles)

So, Abhimanyu ne bhi ab decide kar liya hai, ki bhot ho gaya piche bhagna, ab agar wo sach me chahti hogi to khud aaegi, nahi to wo aise hi rahega. Ye sab decide karna Abhimanyu ke lie easy to nahi tha, par iske alawa wo aur kuch kar nahi sakta tha.

Ye jo bhi ho raha hai, sahi nahi ho raha. Par shayad kismat yehi chahti hai, waise kehte hain kismat tab tak sath nahi deti, jab tak khud try na karo. Lekin Abhimanyu ab bhot try kar chuka tha, ab agar kisi ko ye samajhna chahiye tha to wo Aakansha thi. Par use to uske doston ne ajeeb hi patti padha rakhi hai. Ab dekhte hain, Aakansha ko ye realise hota hai ya nahi ki wo jo pehle kar rahi thi wahi thik tha. Par ye sab janne ke lie, stay connected with us.

Next episode will be published tomorrow at the same time. If you liked this episode, please, comment, like and share.. If you liked our story, please like our page, “Talking Hearts”..

Stay blessed guys..

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: