Love Struck!

Episode-7

In the previous episode, Aakansha accepted the friend request of Abhimanyu. Jiski wajah se Sharma ji yani Abhimanyu ke papa ne bhot daanta bhi Abhimanyu aur Aashish ko. Ab jinhone pehle episodes padhe hain, unhe pata hoga ki unko daant kyun lagi, par jinhone nahi padhe hain, wo please pehle jake update ho jaiye story se. Hume ye bhi pata chala tha ki Aakansha ki behen bhi Abhimanyu se rishte ke lie na bolna chahti thi. Isse Aakansha ko thoda bura laga kyunki ab tak isi wajah se wo Abhimanyu ko pareshan kar rahi thi. Par ye sab janne ke baad wo use sorry bolna chahti hai. Han, par ladkiyon ka wahi purana natak, “Main kyun pehle message karu?” Islie wo wait kar rahi hai ki Abhimanyu ka message aaye aur wo usse baat kare.

Aur idhar hamare hero pareshan hain, ki main message karu ya na karu? Sach me bhot sochta hai Abhimanyu, ek friend request me pura ek episode nikalwa dia, aur ab fir se soch raha hai. Bhagwan hi jane kya hoga iska? Par chaliye dekhte hain aage kya hota hai.

Raat ko dinner ke baad Abhimanyu apne room me aa jata hai, aur Aakansha ki profile check kar raha hai. Usse ab raha nahi ja raha hai to wo message kar hi deta hai. Udhar Aakansha bhi phone hath me lie wait kar rahi hai ki Abhimanyu message kare. Jaise hi Abhimanyu ka message Aakansha ke paas aata hai wo message open karti hai.

Abhimanyu: Hi!

Aakansha: (After a few minutes) Hi!

Abhimanyu: Thanks!

Aakansha: For wat?

Abhimanyu: For accepting my frnd request.

Aakansha: Don’t say all this.

Aakansha ke face pe fir se ek alag si smile aa gayi hai, jo use bhi nahi pata. Aasha fir dekhti hai use is tarah se muskurate hue.

Aasha: Kya hua? Fir se koi joke padha kya?

Aakansha: Umm.. Nii didi. Wo bas Shivani hai, bakwas kie ja rahi hai message pe.

Aasha: Hmm. Thik hai. (after a pause) Aur sun.

Aakansha: Han.

Aasha: Main so rahi hu, light band kar dena.

Aakansha: Thik hai.

Abhimanyu ka message fir se aata hai.

Abhimanyu: Kya kar rahi ho?

Aakansha: Kuch nahi.

Dono soch rahe hain ki kya baat kare?

Aakansha: Mujhe kuch kehna hai.

Abhimanyu: Han. Bolo na.

Aakansha: I am sorry.

Abhimanyu: Par kyun?

Aakansha: Tumhe pareshan karne ke lie.

Abhimanyu: Kitni baar bologi? Bol to chuki ho. Aur waise bhi main pareshan nahi hua tha.

Aakansha: Acha? To tumne fir aana kyun band kar dia tha beech me?

Abhimanyu: Haha! Acha tumhe laga main tumhari wajah se nahi aa raha?

Aakansha: Han, aur kya.

Abhimanyu: Wo to mujhe viral ho gaya tha, to aa nahi paya.

Aakansha: Oh! Acha. Ab thik ho na tum.

Abhimanyu: Han, ab to do teen din ho gaye, thik hi hu.

Aakansha: To thik hai fir meri sorry wapas karo.

Abhimanyu: Hahaha!

Aakansha: To tum pareshan nahi hue the?

Abhimanyu: Nahi. Balki mujhe tum bhot cute lag rahi thi wo sab karte hue.

Ye message type karke bhej to deta hai, par fir sochta hai, “Kuch jyada to nahi bhej dia?” Bola hi tha maine, hamara hero bhot sochta hai. Par reply dekhte hain kya aata hai udhar se.

Aakansha: Cute?

Abhimanyu: Han.

Aakansha: Par main to gussel hu na tumhare according.

Abhimanyu: To gussel log cute nahi ho sakte hain kya?

Aakansha: Hmmm. Ok.. Btw, maine tumhari fee pay kar di hai.

Abhimanyu: (types while smiling) Yes, pata hai mujhe.

Aakansha: (smiles while typing) To classes kab se start hongi?

Abhimanyu: Abhi se.

Aakansha: Itni late classes dete ho tum?

Abhimanyu: (darte hue type karta hai) Love ki classes to late hi chalti hain. Raat me jab sab so jate hain tab.

Aakansha: (smiles and types) Okay! Den what is our first topic?

Abhimanyu: (types and smiles) You ask any question, I will answer you.

Aakansha: (thoda sochne ke baad) Tumhe agar out of India jane ka chance mila to tum nahi jaoge?

Abhimanyu: (thoda emotional hoke) Aakansha!

Aakansha: Yeah.

Abhimanyu: Pata nahi is sab ko janne ke baad tum mere bare me kya sochogi, par main aisa hi hu. Thoda weird. Main yahin rehna chahta hu. Pata nahi kyun, ye to main bhi nahi janta.

Aakansha: Okay!

Abhimanyu: Aur isilie maine tumhari behen ko bhi mana kia tha, waise aur bhi reasons the, par agar wo reasons na bhi hote to bhi main mana hi karta cz tumhari behen mujhse thoda alag sochti hai.

Aakansha: I know. N its okay! U are not weird.

Abhimanyu: Thanks! U know, u are the first person jisne meri is baat pe itna acha reaction dia hai, nahi to sab ye hi kehte hain ki main thoda mental hu.

Aakansha: Han wo to sahi bolte hain, tum thode mental ho. (smile karte hue, message send kar deti hai)

Abhimanyu: (haste hue, type karta hai) Achaaaaaa!

Aakansha: Hehe! Han.

Abhimanyu: Aur koi question hai, Miss Gussel?

Aakansha: Han hai na.

Aur bas dono aise hi baatein karte rehte hain, pata hi nahi chalta dono ko ki 2 ghante kab nikal gaye. 11 ke 12 baje, 12 ke 1 baj gaye hain par ab bhi unki baate chal rahin hain. Dono kabhi haste hai, kabhi blush karte hain, to kabhi smile karte hain. Abhimanyu ko to sab pata hi hai ki ye sab kyun hai, par Aakansha ye samajh nahi pa rahi ki use itna acha kyun lag raha hai usse baat karke? Par ye sab mind me aate hue bhi, baate kar rahi hai. Ki tabhi Aasha ki neend khulti hai.

Aasha: Chutki! Tu abhi tak soyi nahi? Kya kar rahi hai tu?

Aakansha: (baat ghumate hue) Kuch nahi didi, bas aise hi phone me kuch…

Aasha: Tab se phone me hi kuch kar rahi hai tu, aur light bhi band nahi ki tune.

Idhar Aasha Aakansha se puch rahi hai aur udhar Abhimanyu ke messages aaye ja rahe hain, par aakansha reply nahi kar pa rahi hai. Wo baar baar phone me dekh rahi hai, to Aasha fir se bolti hai, “Ye phone me kya dekh rahi hai baar baar, main tujhse baat kar rahi hu.”

Aasha: Han didi! Aap so jao, main light band kar deti hu.

Aakansha uthke light band kar deti hai aur aake let jati hai bed pe, phone ki brightness bilkul low kar deti hai aur fir se aa jati hai apne hero ke paas. Abhimanyu ab tak kafi messages kar chuka hai.

Abhimanyu: Aur fir pata hai kya hua?

There?

Hey!

Kahan gayi?

Slept?

Yup, lagta hai so gayi.

Good night!

Take care Miss Gussel..

Bye..

Aakansha: Hey! Sorry! Wo didi jag gayi thi.

Abhimanyu ke phone pe jaise hi notification tone bajti hai, wo turant dekhta hai.

Abhimanyu: Oh! Okay! Kuch bol rahi thi kya?

Aakansha: Han, yahi ki subah jana hai tujhe soti kyun nahi hai.

Abhimanyu: Hmmm. Okay!

Aakansha: To sote hain fir, n will meet u in the metro..

Abhimanyu ka mann to nahi hota jane ka par wo kuch bolta nahi.

Abhimanyu: Yeah! Okay. Will meet u tomorrow.

Aakansha: Ok den.. Gud nyt.. Tk cr.. Swt drms.. Bye..

Abhimanyu: Gud nyt.. Tk cr.. Swt drms.. Bye..

Aur us din ki baate khatam. Dono ne phone to rakh dia hai, par soch rahe hain, ek dusre ke baare me. Aakansha ko wo pasand aane laga hai, aur Abhimanyu ko to Aakansha pehle se hi pasand hai.

Agla din ho chuka hai. Waise kal raat kya beeti thi na. Itni baate hongi socha bhi nahi tha. Wo to didi ne beech me disturb kar dia nahi to aur pata nahi kitni baate hoti. Aur aaj subah, dono ko milna hai. Is tarah ki conversation ke baad, aaj pehla din tha jab dono ko ek dusre se milna tha. Abhimanyu ka jo haal hota hai wo to tha hi, par aaj to Aakansha bhi soch me padi hui hai, ki kaise baat karungi, kya baat karungi? Aap soch rahe honge ki itni jaldi aise kaise sochne lagi wo. Par kya kabhi aap kisi aise insan se mile hain jo aapko pasand aane laga hai, par ye confirm nahi hai ki ye bas pasand hi hai ya iske aage kuch aur bhi hai. Us insan se milte waqt jaisi gudgudi hoti hai, is waqt kuch waisa hi hai dono ke mann me. To dono jaldi jaldi ready hote hain, apni apni destinations pe jane ke lie aur beech me jo rasta hai us raste me ek dusre ke sath rehne ke lie.

Abhimanyu ghar se nikal gaya hai, tabhi uske phone me ek message aata hai, jo Aakansha ka hi hai.

“Hey! Sorry! But today, I will not be able to come. Papa ke sath kahin jana hai, to I will go hospital, after few hours. I will meet you, tomorrow. Bye.. Tk cr.. ”

“Oh no! Ab ye kya ho gaya?” Abhimanyu sochta hai. Aur fir udas hoke office chala jata hai.

On lunch time, uske paas fir message aata hai, wo bhi Aakansha ka hi hai.

“Hey! Abhi aayi thi bas thodi der pehle. Sorry, aaj ke lie.”

Abhimanyu jaise hi message dekhta hai, reply karta hai, “Don’t say this plz. Btw wat are u doing now?”

Aakansha replies, “Bas thodi der pehle aayi thi n abhi lunch hua hai, to socha tumhe msg kar du.”

Abhimanyu texts, “Can we meet today?”

Aakansha replies, “Aaj? But when?”

Abhimanyu texts, “After our work.”

Aakansha replies, “Hum kal bhi mil sakte hain na.”

Abhimanyu texts, “Yeah! But I want to have a coffee with my student.”

Aakansha replies, “Okay! I will text you, agar possible hua to.”

Abhimanyu texts, “No excuses mam. I will wait at ur metro station, inform me whenever u will be free.”

Aakansha replies, “Okay!”

So, ab sham ko milne ki baat hai. Abhimanyu free hoke Aakansha ke station par uska wait kar raha hai. Aakansha bhi station par aa gayi hai. Dono ab ek dusre ke samne hain.

Abhimanyu: Hi!

Aakansha: Hi!

Abhimanyu: To chale?

Aakansha: Hmm.

Abhimanyu aur Aakansha ne ab tak koi baat nahi ki hai, bas ek dusre ke sath chal rahe hain chupchap bina kuch kahe. Dono paas ki ek coffee shop me jate hain, dono ek dusre ke samne bethe hain aur coffee order kar dete hain. Aakansha coffee shop ko dekh rahi hai, aur Abhimanyu Aakansha ko dekh raha hai aur fir suddenly Aakansha bhi Abhimanyu ko dekhti hai. Abhimanyu tab apni nazare hata leta hai. Dono me Ajeeb si lukkachhupi chal rahi hai, jo un dono ko bhi pasand aa rahi hai. Aur fir Abhimanyu khamoshi todta hai.

Abhimanyu: Thanks for coming.

Aakansha: Ye sab mat bola karo, maine kaha hai na.

Abhimanyu: Han kaha to hai. Ghar pe sab thik hain?

Aakansha: Han.

Abhimanyu: Aur tumhari didi ne kuch kaha?

Aakansha: Nahi bas puch rahi thi, ki kisse baat kar rahi thi.

Abhimanyu: To tumne kya kaha?

Aakansha: Shivani se. (she smiles)

Abhimanyu: (smiles too) Jhooth kyun bola?

Aakansha: Itni raat me tumse baat kar rahi thi ye batati to daant padti na.

Abhimanyu: Aur mana bhi karti baat karne se?

Aakansha: Shayad.

Abhimanyu: Fir to acha kia. Aaj kisi aur ka naam le lena.

Aakansha: To hum aaj bhi baat karne wale hain?

Abhimanyu: Shayad.

Aakansha smiles.

Abhimanyu: Waise tum apni behen ko mere baare me bata dena.

Aakansha: Kyun?

Abhimanyu: Ghar pe kisi ek ko pata rahe to acha rehta hai.

Aakansha: Okay! To main use bata dungi ki tumne mujhe friend request bheji thi, jo maine accept kar li, aur uske baad hum dono kal raat ko baate kar rahe the.

Abhimanyu: Nahi ye sab aise mat batana.

Aakansha: To kaise?

Abhimanyu: Dhire dhire batana. Like humne abhi ek sath jana start kia hai unhe ye pta hai. Ek do din baad batana ki maine tumhe friend request bheji hai aur tumne wo accept kar li hai, fir aur ek week baad batana ki tumne mujhse chat ki.

Aakansha: So clever you are.

Abhimanyu: Haha! Thanks.

Aakansha: To iska matlab hum dono ne ye sare steps skip kar die. Ek sath sare steps le lie. Ye to galat baat hai fir.

Abhimanyu: Galat nahi hai. Ghar walon ko nahi pata ki hum dono ke beech kya connection hai, hume to pata hai na.

Aakansha: Kya connection hai?

Abhimanyu: Main tumhe tuitions deta hu.

Aakansha: (smiles) Hmmm. Okay!

Abhimanyu: Waise aur ek connection ho sakta hai hum dono ke beech, if you allow.

Aakansha: Kya?

Abhimanyu: Aakansha! I don’t know, what do you think about me. But mujhe tumse baat karna, tumhare sath time spend karna acha lagta hai. Mujhe pata nahi chalta tumhare sath time ka, time aise gayab ho jata hai tumhare sath. I feel a connection with you.

Aakansha kuch kehti itne me fir Abhimanyu bolta hai.

Abhimanyu: I know ki ye sab thoda awkward hai, coz main tumhari behen ko dekhne aaya tha, aur uske baad hum jin circumstances me mile wo sab, aur tum to mujhe pasand bhi nahi karti thi shayad. Par agar in sab chizon ko side rakhke tum meri friend ban sakti ho to it will be most pleasurable thing for me. (After a pause) Will you be my friend?

Aakansha: (smiles) Yes.

Abhimanyu also smiles.

Itne me coffee bhi aa gayi aur ab dono friendship wali coffee enjoy kar rahe hain. Waise connection wali baat Abhimanyu Aakansha se pehle bhi bol chuka hai aur kis context me usne ye sab kaha tha ye to aapko yaad hi hoga. So, it means, Abhimanyu ne indirectly Aakansha ko propose kia hai aur Aakansha ne bhi indirectly is proposal ko han bola hai. Par directly ye relationship abhi friendship tak phocha hai.

Coffee ke baad is baar dono ki manzil apna apna ghar hai. Ghar jane ke baad, har roz ki tarah hi dono sabke sath rehte hain aur raat ko apne apne room me aane ke baad fir se messages ka silsila shuru ho jata hai. Aur ye sab usi tarah der raat tak chalta hai. Ab ye sab shayad roz hi chalne wala hai. Roz metro me milna, aur fir ghar par der tak baate karna. Kehte hain na, jodiyan upar wala banata hai, wo sach hi hai shayad. Ise dekhke to aise hi lagta hai, jis tarah se in dono ka connection ho raha hai. Aage kis tarah se ye dosti, pyar me badlti hai aur kaise ye dono ek dusre ko apni feelings express karte hain, ye dekhne layak hoga. Aur use dekhne ke lie humse jude rehna hoga. So please, stay connected with us.

Next episode will be uploaded tomorrow at the same time. If you liked our story, then please, comment, like and share…

Stay blessed.

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: