Love Struck!

Episode-5

Last episode me Abhimanyu ke ghar walon ko Aakansha ke baare me sab pata chal gaya tha, aur unhone bol dia tha, ki koi help chahiye ho to batana hume. Fir next day Abhimanyu ne Aakansha ko bataya tha ki kyun usne uski didi se shadi ke lie mana kia, jiski wajah se Aakansha usse naraz thi. Waise ab ye naraazgi to dur ho chuki hai, aur ache se baate bhi hui dono ke beech. Jisse Abhimanyu ko ye bhi pata chala ki Aakansha ko baate karna kafi pasand hai. Par baate karne ke chakkar me wo ek chiz to bhul hi gaya. Wo kya? Aaiye dekhte hain.

Abhimanyu ek raat pehle ye soch raha tha ki kis baare me baat karunga usse, par baat shuru hui to pata hi nahi chala use ki kab aakansha ka station aa gaya. Aur fir kya tha, Aakansha ko jana hi tha.

Aakansha: Ok, mera station aa gaya. Bye.

Abhimanyu: Kya? Itni jaldi?

Aakansha: Han. Pata nahi chala time ka. Ok, bye.

Abhimanyu: Hmmmm.. Bye.

Aakansha ke metro se bahar nikalte hi.

Abhimanyu: Arey suno.

Par tab tak wo ja chuki thi.

Abhimanyu: (mann me) Shit! Reh gaya. Aaj to ache se baat hui thi, bol deta. Ab kal dekhte hain madam kis mood me hain, kahin gussa hui to fir to kuch nahi ho paega.

Ye sab sochke apne mann me hi smile karta hai. And after sometime uska station bhi aa jata hai aur wo bhi chala jata hai.

Par aap soch rahe honge ki ye kis baare me bol raha tha. Arey! Bhul gaye? Wo Facebook pe Aakansha ki profile dekhi thi na, usi bare me. Wo to ho nahi paya, par is nayi shuruaat ko wo bhot pasand kar raha hai apni life me. Khush rehta hai, sabse bhot ache se baat karta hai. Apne aas paas ke sare logon ko bhi khush rakhta hai. Hmmm.. Yahi to magic hota hai, love ka. Bina matlab muskurana, aur fir koi dekhe to ye sochna ki kya answer karu ab ise, ki pagalon ki tarah apne me hi kyun smile kar raha tha. Par isme bhi alag hi maza hai. Lekin ye baat wahi samajh paenge jinhone pyar kia hai.

Ab to bas Abhimanyu ko fir se tha agle din ka intezaar, ki wo jaye metro me aur fir ho paye usse baat. To aa hi gaya agla din bhi, dekhiye, kaisi hoti hai ye mulakaat.

Abhimanyu metro me enter karta hai. Par ye kya? Wo to hai hi nahi aaj. Abhimanyu sochta hai, “Kya yaar itni ummid se aao aur fir wo na mile, aur muh latka ke office chale jao.”

Ki tabhi aawaz aati hai, “Hey!”

Abhimanyu awaz ki taraf dekhta hai, to wo wahi hai Aakansha. Usi ki taraf aa rahi hai. Abhimanyu khush ho jata hai. Wo Abhimanyu ke paas aake ruk jati hai.

Abhimanyu: Aaj wahan kaise?

Aakansha: Wo friend nahi aa rahe hain na, aur yahan thodi bheed thi aaj, to main ladies compartment me chali gayi thi.

Abhimanyu: Okay! Aur fir tumne mujhe dekha, fir yahan aa gayi.

Aakansha: Nahi. Mujhe pata hai tum is stop pe aate ho islie yahan aa gayi.

Abhimanyu: Aur main nahi aata to?

Aakansha: (making face) To kya? Wapas chali jati.

Abhimanyu: (smiles) Okay! Thanks. Mera wait karne ke lie.

Aakansha: Main wait nahi kar rahi thi.

Abhimanyu: To kya kar rahi thi?

Aakansha: Wo to akele bore hoti hu, to ek se bhale do.

Abhimanyu: Okay! To lagta hai novel puri ho gayi tumhari?

Aakansha: (thoda gusse me) Nahi. Wapas jau kya?

Abhimanyu: Arey! Nahi nahi. Sorry. Main bhul gaya tha ki tum miss gussel ho.

Aakansha: To baar baar kyun bol rahe ho?

Abhimanyu: Nahi bas islie bol raha tha ki mujhe laga ki tumhe meri company achi lagi.

Aakansha: Nahi, company nahi. Tumhara gyan.

Abhimanyu: Gyan? Konsa gyan?

Aakansha: Wahi jo tum kal bata rahe the, connection wala.

Abhimanyu: Oh! Wo wala gyan. Sorry madam. Pura gyan chahiye to fees lagegi.

Aakansha: Acha! Ye tumhara side business hai?

Abhimanyu: Nahi. Par soch raha hu start kar du. Starting tumse karte hain.

Aakansha: Kya fees chahiye tumhe?

Abhimanyu: Gussa to nahi hogi na?

Aakansha: Wo depend karta hai.

Abhimanyu: Thik hai, fir rehne do.

Aakansha: Arey! Bolo na.

Abhimanyu: Nahi. Mujhe tumhare gusse se bhot darr lagta hai.

Aakansha: Acha bolo. Gussa nahi karungi.

Abhimanyu: Wo main aise hi Facebook check kar raha tha, to maine tumhari profile dekhi.

Aakansha: Acha to?

Abhimanyu: To… Main request bhej du tumhe?

Aakansha stares at him.

Abhimanyu: (making a serious face) Okay! Samajh gaya.

Abhimanyu says nothing after that, and there is a small silence between the two. Then Abhimanyu tries again.

Abhimanyu: Aakansha.

Aakansha: Hmm.

Abhimanyu: (still serious) I am sorry, agar bura laga to.

Aakansha: (checking her phone) Tumhe aadat hai kya sorry bolne ki?

Abhimanyu: (little sad now) Okay! Kuch nahi bolta.

Hmmm. Aaj ye kya hua? Socha kuch aur tha aur kuch aur hi ho gaya. Shayad Abhimanyu ne thodi jaldi kar di. Thodi aur baat cheet badhani chahiye thi use. Abhimanyu ne jab se is baare me bola hai Aakansha koi baat hi nahi kar rahi. Aur ye kya? Ab to station bhi aa gaya uska. Means aaj ki mulakaat to bekar chali gayi.

Abhimanyu bhi sochta hai, “Ab se no aisi baate, kal itne ache se baat hui thi, aur aaj baat hi nahi hui. Bad timing.”

Station pe metro rukne hi wali hai, ki tabhi Aakansha kuch kehti hai.

Aakansha: Kis naam se ho tum FB pe?

Abhimanyu: (excitement comes back) Abhimanyu Sharma.

Aakansha: Okay!

Abhimanyu: To??

Aakansha: (pareshan hoke) Ab kya?

Metro ruk gayi hai.

Abhimanyu: Request bhej du na?

Metro ke doors khul gaye hain.

Aakansha: (bahar jate hue) Han bhej dena. Mann kia to add kar lungi nahi to padi rahegi.

Abhimanyu: Yaar aise mat… (she left) bolo na..

Abhimanyu ko confusion me daalke chali gayi. Ab hamare hero metro me khade hain aur soch rahe hain, ki accept karegi ya nahi karegi. Abhimanyu sochta hai, “Kahan fas gaya? Isse to acha hota ki puchta hi nahi, pata nahi kis mood me bolke gayi hai. Kahin gussa na ho.”

Abhimanyu ye sab sochta raha ki itne me uska station bhi aa gaya. Ab aage wo Abhimanyu ki request accept karegi ya bas use aise hi padi rehne degi ye to waqt hi bataega, ya fir hum bhi bata sakte hain. Par uske lie humse jude rehna pdega. So, stay connected with us.

We hope you are liking the story. Next episode will be uploaded soon. If you liked this episode, please do comment, like and share..

Stay blessed.

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: