Love Struck!

Episode-4

To ab tak story me ye hua tha, ki hamare hero ne baat karne ka try kia tha par ek mahine tak bechara intezaar karta raha. Finally, Aakansha ko taras aa hi gaya uspe aur baat kar hi li usse. Wo din Abhimanyu ke lie bhot jyada khaas tha. Pure din office me muskurata raha, aur sabse aise baat kar raha tha jaise pata nahi kya achieve kar lia ho. Fir raat ko jab ghar gaya, to uski shakal sab bata rahi thi. Ye Aashish ne nahi sabne hi notice kia ghar me. Aaiye dekhte hain ki kaise handle kia usne ye sab?

Sab log dining table pe bethe hain, aur khana kha rahe hain.

Abhimanyu’s dad: Ye tu aaj itna muskura kyun raha hai?

Abhimanyu’s mom: Han ye to maine bhi dekha hai, jab se aaya hai bhot khush hai. Office me kuch acha hua hai kya? Bata.

Abhimanyu: Kuch nahi maa. Bas aise hi.

Abhimanyu’s dad: Aise hi? Pata nahi aaj kal sab chize ajeeb hi karne laga hai tumhara beta. Itna layak samjhta tha main ise. Pata nahi kuch din se kya hi hota ja raha hai ise.

Abhimanyu: Papa!

Abhimanyu’s dad: Papa! Papa! Kya kar raha hai. Kaam me dimag nahi hai tera aaj kal, mujhe samajh nahi aata kya?

Aashish sab sun raha hai aur maje le raha hai. Abhimanyu ko baar baar ishare kar raha hai. Abhimanyu bhi baar baar use ghur raha hai. Ki tabhi..

Abhimanyu’s dad: Aashish.

Aashish: Ji.. Papa.

Abhimanyu’s dad: Tumhe to bataya hoga isne. Tum batao kya hai?

Abhimanyu Aashish ko ghurta hai aur ishare se mana karta hai. Ye karte hue uske papa dekh lete hain.

Abhimanyu’s dad: Ye ishare baazi kya chal rahi hai dono me? Aashish, batao mujhe kya khichdi pak rahi hai dono ke beech.

Aashish: Papa kuch nahi hai, Bhaiya ne bola na bas aise hi hai.

Abhimanyu’s dad: Thik hai. Mat batao tum. Is mahine se meri taraf se jo pocket money milti hai wo ab nahi milegi. Aur khabardaar jo bike ko hath lagaya to.

Aashish: Arey nahi papa. Ye kya bol rahe ho? Acha acha batata hu.

Abhimanyu: Papa. This is cheating. Aap ye nahi kar sakte.

Abhimanyu’s dad: Kyun nahi kar sakta? Main sab kar sakta hu. Batao Aashish.

Aashish: Sorry bhai.

Abhimanyu ka muh latak jata hai aur sochta hai, “Lo jitni khushi aayi thi, sab chali gayi.”

Aashish: Papa wo…..

Abhimanyu’s dad: (daantate hue) Aage kuch bolega ya nahi?

Aashish: (ek sath sab bolte hue) Papa wo bhai ko ek ladki pasand hai, aur wo aur koi nahi Aakansha hai.

Abhimanyu apne face pe hath rakh leta hai, aur sochta hai, “Lo, ho gaya kalyan.”

Abhimanyu’s dad: Aakansha kon?

Aashish: Wo jo ladki dekhne gaye the na us din, uski choti behen.

Ye sab ab tak Abhimanyu ki mom bhi beth ke sun rahi thi.

Abhimanyu’s mom: Oh! Acha. Tabhi uski badi behen ke lie mana kar dia tha.

Abhimanyu darte hue mom ki taraf dekhta hai, aur han me sir hilata hai.

Abhimanyu’s mom: Tu pagal hai kya? Tabhi kyun nahi bol dia ki mujhe badi nahi choti ladki pasand hai.

Abhimanyu’s dad: Kyunki ye pagal hai. Dimag aaj kal kaam karna band kar dia hai iska.

Abhimanyu: (darte hue) Wo baat nahi hai.

Abhimanyu’s mom: To kya baat hai?

Abhimanyu: Wo main Aasha se milne se pehle se use pasand karta hu.

Abhimanyu’s dad: (daantate hue) Ek lagau kya tere? Jab pehle se pasand karta tha to rishta dekhne kyun gaya fir?

Abhimanyu: Arey papa. Wo bas main hi use pasand karta hu, use nahi pata ye sab abhi. Aur agar main aise bol deta to uski badi behen ko bura lagta islie maine rishte ke lie hi mana kar dia.

Abhimanyu’s mom: To ab bura nahi laga hoga kya?

Abhimanyu: Tab jyada bura lagta. Ho sakta hai dono beheno me rivalry ho jati is baat ko leke.

Abhimanyu’s dad: Dekh rahi ho tum, abhi se chinta hai us ghar ki.

Abhimanyu sir jhuka leta hai.

Abhimanyu’s dad: Ab sahi se sab batao hume ki kya chal raha hai.

Abhimanyu apne mom aur dad ko bhi sab bata deta hai. Utna detailed version nahi, par jo bhi situation chal rahi hai uske baare me, ki ab tak wo gussa thi aur baat nahi kar rahi thi, par aaj usne pehli baar baat ki.

Abhimanyu’s mom: (smiling) To isilie hi khush hai ye itna.

Abhimanyu’s dad: (haste hue) Pata nahi kya kya karte hain aaj kal ke bacche. (After a pause) Ab sun. Agar hamari koi help chahiye ho to bol dena.

Abhimanyu: (smiling) Okay papa!

Abhimanyu’s dad: Aur parents ko bhi kuch chize bata deni chahiye.

Abhimanyu: Wo to main batata hi, jab mujhe lagta ki wo bhi interested hai mujhme. Abhi to mujhe pata bhi nahi hai ki dosti bhi hoti hai ya nahi.

Abhimanyu’s mom: Koi baat nahi. Ab tu nishchint to hai na is baat se ki maa papa maane hi hue hain.

Abhimanyu: (smiling) Han wo to hai. Thank you.

Ab parents se to permission mil gayi thi. Par jo heroine thi, unka kuch pata nahi tha, ki pasand karti bhi hai ya nahi. Ab pata to lagana hi tha ye. Aur uska hamare hero ne kya rasta nikala dekhte hain.

Raat ko Abhimanyu apne bedroom me leta hua tha, bas soch raha tha uske baare me jo bhi aaj hua tha. Ki tabhi ek idea aaya uske dimag me aur laptop leke beth gaya. Aakansha ko ghanton tak Facebook pe usne dhunda par mili nahi wo use. Hamara hero udas tha. Fir pata nahi kya sochke dobara try karne laga, kuch keywords jo pehle usne dale the wo change karke dekhe. And yes! Is baar jackpot hath lag hi gaya. Aakansha mil gayi use Facebook pe. Uski sari profile check kar daali usne kuch hi der me, fir sochne laga ki friend request bhi bhej de. Par hero hamara shareef jo hai, stalking nahi karta hai. Abhimanyu ne socha ki pehle usse permission lunga aur uske baad request bhejunga. Isse pata bhi chal jaega ki wo friendship me interested hai ya nahi.

Ab laptop side me rakh ke sone ke lie let gaya hai, par neend ki jagah uske khayal aa rahe hain mind me. Abhimanyu soch raha hai ki kal kya baat karu usse. Aage baat badhani hai to koi na koi baat to karni hi hai. Par koi common topic bhi to nahi. Sochta raha, sochta raha, aur sochte sochte pata nahi kab so gaya.

Next morning jiska Abhimanyu ko kafi besabri se intezaar tha, aa gayi hai. Jaldi se ready hoke metro me jata hai aur dekhta hai ki wo samne hi khadi hai. Aaj jaise hi Abhimanyu ne enter kia, Aakansha ne ek smile di. “Oh good! Chalo starting to achi hui hai.” Abhimanyu ke mann me ye chal raha tha. Aur wo uske paas jake khada ho gaya.

Abhimanyu: Hi.

Aakansha: Hi.

Abhimanyu: Kaisi ho?

Aakansha: Good. You?

Abhimanyu: I am good too.

Aaj Aakansha ke hath me ek book hai. Abhimanyu ne socha isi ke baare me baat start karte hain.

Abhimanyu: Ye koi novel hai?

Aakansha: Han.

Abhimanyu: Oh tumhe novel padhne ka shaunk hai?

Aakansha: Nahi. Aisa to kuch nahi, wo ek friend piche pad gayi thi, ki padh ye novel bhot acha hai. To socha metro me padh lungi. Waise achi hai ye. Kafi romantic hai.

Romantic sunte hi Abhimanyu ko jaise kitni khushi mili ho. But normally behave karte hue.

Abhimanyu: To tumhe romantic chize achi lagti hain?

Aakansha: Han. Achi to lagti hain. Par aaj kal log hote nahi romantic.

Abhimanyu: Kyun?

Aakansha: Han. Aaj kal kon karta hai pyar. Pehle hi hota tha ye sab, Romeo-Juliet, Heer-Ranjha. Ye sab pehle hi the, ab sune hain aise naam?

Abhimanyu: Han wo to hai. Par ho sakta hai, aaj kal ke parents itne advance hain islie aisi chize hoti nahi ab. Coz parents maan hi jate hain love marriage ke lie.

Aakansha: Hmmm. Par fir bhi, aaj kal log utne romantic nahi hain.

Abhimanyu ko acha nahi lag raha tha, jab wo baar baar ye bol rahi thi.

Abhimanyu: Tum aise kyun bol rahi ho?

Aakansha: Acha. Tum ho kya?

Abhimanyu: Han kyun nahi.

Aakansha: To kisi ladki se pyar hua to kya kar sakte ho tum uske lie?

Abhimanyu ka mann to kar raha tha, ki abhi use sab bata de, sochne laga, “Stupid ladki roz metro me khade hoke aata jata hu tumhare lie, aur kya jaan logi bacche ki.” Par wo chup raha.

Abhimanyu: Aise to nahi bata sakta ki kya karunga. Par tumhara ye shaq zaroor door karunga ek din.

Aakansha: (smiles) Okay!

After sometime.

Aakansha: Waise tumhe koi ladki pasand hai kya?

Abhimanyu: (hadbada ke) Kyun? Kya hua?

Aakansha: Actually, ladke aisi baate kam hi karte hain. Maine to dekha nahi hai, even jinki girl-friends bhi hain wo bhi aise baate nahi karte.

Abhimanyu: Tumhara hai koi boyfriend?

Aakansha: (ghurte hue) Question pehle maine pucha tha na. Batao koi girlfriend hai kya?

Abhimanyu: Abhi tak to nahi. Tumhara koi boyfriend hai?

Aakansha: Nahi. Par ek baat puchu?

Abhimanyu: Han. Kyun nahi.

Aakansha: Tumne meri behen se shadi ke lie kyun mana kia tha fir?

Abhimanyu: Umm.. Sach batau?

Aakansha: Obviously!

Abhimanyu: Romantic hu na islie.

Aakansha: What? Ye kya answer hua?

Abhimanyu: I mean, mujhe wo connection feel nahi hua tha, jo ek life partner ke sath hona chahiye.

Aakansha: Aise thodi hota hai?

Abhimanyu: Hota hai.

Aakansha: Pehli baar me kisi ke sath kaise connection feel hoga? You both just met.

Abhimanyu: Yeah. I know. Par thoda romantic hu na, to logic nahi lagata. Bas jo dil kehta hai kar deta hu.

Aakansha: So, you mean jab tumhe kisi ke sath connection feel hoga, tab hi shadi karoge?

Abhimanyu: (smiling) Han.

Aakansha: Aur agar puri life connection feel nahi hua, to fir shadi hi nahi karoge?

Abhimanyu: Haha! Kyun nahi hoga connection, zarur hoga. Aur dekho ye baat tum bhi yaad rakhna, connection feel na ho to shadi mat karna.

Aakansha: Avain, kuch bhi.

Abhimanyu: Haha! Arey sach bol raha hu. Connection se mera matlab ye nahi hai ki tumhare background me violins bajenge.

Aakansha: Han wo mujhe bhi pata hai.

Abhimanyu: Connection se I mean ki jo person hoga, uski baat karne ka andaz, uske chalne ka tareeqa, uski company, sab pasand aayega.

Aakansha: Wo to friends ki bhi aati hai, har baat pasand.

Abhimanyu: Arey nahi stupid. Doston ki saari baatein kahan pasand hoti hain hume. Wo to bas dost hote hain to jhelte hain unhe.

Aakansha: Haha! I should tell this thing to your friends.

Abhimanyu: Bol dena jab bolna ho. Par meri baat ko thoda sochna. Yahi hota hai.

Aakansha: Okay!

Abhimanyu: Waise tumhari behen mujhse gussa to nahi hai?

Aakansha: (making faces) Nahi. Use to kuch laga hi nahi. Bol rahi thi, it’s okay, wo mere lie hoga hi nahi. Itna lightly kon leta hai, I mean.

Abhimanyu: Thank God! Main soch raha tha kahin use bura na laga ho.

Aakansha: Mujhe laga tha na.

Abhimanyu: (smiles) Han. Wo to ek mahine se dikh hi raha tha. (After a short pause) I am sorry, tumhe bura laga.

Aakansha: Tum pehle bhi sorry bol chuke ho. So, don’t be. Waise mujhe sorry bolna chahiye, shayad maine overreact kar dia. Sorry.

Abhimanyu: Don’t be. (smiles)

Aakansha: Waise tumhari miss perfect jab mil jaye na, to mujhe milana zaroor. Main dekhna chahungi use.

Abhimanyu: Sure. Aur ghar pe parents, wo to naraz nahi the?

Aakansha: Main thi naraz, bas. Baki sab to chill the.

Abhimanyu: Haha! Okay! Miss gussel. Par mere papa ne to bhot gussa kia tha mujhpe.

Aakansha: Very good. Meri taraf se thanks bolna unhe.

Abhimanyu: Waise tumhare ghar pe pata hai, ki tumhe main mila hu uske baad.

Aakansha: Han. Didi aur mom ko pata hai. Aur mom ko pata hai to papa ko bhi pata hi hoga.

Abhimanyu: Kisi ne kuch kaha nahi?

Aakansha: Kya kahenge?

Abhimanyu: I mean, ki usse baat mat kia kar. Is tarah se kuch?

Aakansha: Nahi. Abhi tak ye kahan pata hai unhe ki main tumse baat kar rahi hu. Abhi tak to tumhe pareshan karne wali chize batayi hain unhe.

Abhimanyu: (laughs) Hey Bhagwan!

Aakansha: Didi, bol rahi thi ab, chor de pareshan karna. Dekha kitni achi hain wo.

Abhimanyu: Hmm. Say thanks to her from my side.

Hahaha! Abhimanyu ko Aakansha se baat karke ye samajh aa gaya tha, ki wo bhot batooni hai, usse kitni bhi der baat ki ja sakti hai. Aksar ladke aisi ladki ko pasand nahi karte, par Aakansha ki ye baat to Abhimanyu ko sabse achi lagi thi, kyunki use jyada mehnat nahi karni padi Aakansha se baat karne me. Baat khud-b-khud hoti chali gayi. Ya ye bhi keh sakte hain, ki jis connection ki baat wo kar raha tha, wo ab banne laga hai. To dekhte hain ye connection dhire dhire kaise strong hota hai aur ye connection bas Abhimanyu ko hi feel hota rahega ya Aakansha ko bhi iska ehsaas hota hai. Par ye sab dekhne ke lie stay connected with us.

If you liked our story please comment, like and share…

Stay blessed.

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: