Pyar Ka Izhaar

Pyar ke Izhaar ka ek Anokha kissa… Jo jitna sada hai utna hi pyara bhi hai!

Log aksar mujhse puchte hain, kabhi aapko pyar hua hai?

Aur pyar hota hai to kya hota hai?

Kya ladki ko dekhte hi violins background me bajne lagte hain?

Ya pyar hote hi log sher-o-shayari karne lagte hain?

Main unse kehti hu, Ye sab to pata nahi mujhe, bas ek ladke ki baat batati hu, jisne pyar ka izhaar kia tha aise,

Ladki ko sms send kar dia, aur fir phenk dia phone, wo time bomb ho jaise.

5 minute tak fir usne phone nahi uthaya,

Darr gaya tha wo ki kya hoga agar wahan se inkaar aaya.

Uski rahi sahi dosti bhi toot jaegi,

Fir aisi ladki use kabhi nahi mil paegi.

Kuch himmat karke, fir phone usne hath me lia,

Aur dekha ki ladki ne kya jawaab hai dia.

Ladki ne uske sawaal me ek aur sawaal pucha tha that,

“Ye kya bol rahe ho tum? Are u totally mad?”

Bechare ladke ki ab to rahi sahi himmat bhi thi gayi,

Par ab to kulhaadi par pair maar lia tha, baat to ab puri hi karni thi bhai.

Ladka bola, “Ab jawab do na uska jo maine pucha hai.”

Ladki boli, “Kya jawab du main, achanak tumne ye sab kyun bola hai?”

Ladka zid par adaa, bola, “Batao han hai ya na ya is dosti ko bhi khatam hona padega?”

Ladki ne kaha, “Agar yahi zid hai to mujhe waqt chahiye, mujhe sochna padega.”

Ab ladke ka dil zoron se dhadak raha tha,

Ladki bhi soch rahi thi han kahu ya na, uska mann bhi machal raha tha.

Ye tab ki kahani hai jab smart phones nahi hua karte the,

Par kaam ki baat karne ke lie log mobile phone khareed liya karte the.

Nokia tha phono ka raja, uska danka bajaa karta tha,

Phone phenkne ke baad bhi, aasani se jud jaya karta tha.

Exams the university ke tab, jab ye izhaar-e-ishq hua tha,

Ek exam to gaya tha bekaar, dusre ka bhi beda gark hi hona tha.

Par ishq ke aage exams kya cheez hain?

Ye kaha ja sakta hai ki dono ek dusre ke raqeeb hain.

Dedh ghante baad phir ladki ka jawab aaya,

“Dekho hai meri Han, par khabardaar jo kisi ko tumne bataya.”

Ladki boli, “Chalo tum ab jao mujhe ab padhna hai.”

Dono ke dil mil gaye the, ab exams se kya darna hai.

Ladka tha shareef, bas “Good Night” keh kar chala gaya,

Ladki ko ab tak na tha yakeen, ki aaj ye kya ho gaya.

Agle din exam tha par ladki padh nahi pa rahi thi,

Ladke ka haal bhi kuch aisa hi tha, uski aankhon ko neend nahi aa rahi thi.

Izhaar-e-ishq bhi hua, ikraar-e-ishq bhi hua,

Dono mile to, deedaar-e-ishq bhi hua.

Dono sath hain ek dusre ke, ab is baat ko 10 saal ho gaye hain,

Biwi ji hain wo uski, aur pati parmeshwar wo uske ho gaye hain.

Ladte jhagadte hain dono, par pyar waisa hi hai barkaraar,

Wo lamha unke lie aaj bhi hai bhot khaas, jab dono ne kia tha “Pyar ka Izhaar!”

Ye kissa meri zubani sunne ke lie niche click kare:

<a href=”http://<iframe src=”https://anchor.fm/recitalmemories/embed/episodes/Pyar-ka-Izhaar-egqre4&#8243; height=”102px” width=”400px” frameborder=”0″ scrolling=”no”>Pyar ka Izhaar!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s