Love Struck!

Episode-3

Jaise ki decide hua tha dono bhai next day metro me gaye. Aashish dekhna chahta tha ki Aakansha Abhimanyu ko koi bhav deti bhi hai ya bas Abhimanyu aise hi khayalon me hai. Time se wo dono metro station phoch jate hain aur usi compartment me jate hain jisme roz Aakansha jati hai. Par aaj to unhe wo kahin dikhayi nahi de rahi. Pura compartment ache se check kar lia hai, aur uske aage piche ke compartments bhi check kar lie hain. Par wo kahin nahi hai.

Aashish: Kya yaar! Aana waste ho gaya mera. Hai hi nahi wo.

Abhimanyu: Lagta hai aaj pehle hi chali gayi wo. Ya late ho gayi hogi.

Aashish: Ab main roz roz to ja nahi sakta tere sath metro me. Tu apni story aage badhana aur mujhe updates dete rehna.

Abhimanyu: Okay!

Aaj nahi aayi wo. Usse milne ke baad Abhimanyu ke mind me chal raha tha ki jab wo dekhegi to pata nahi kaise react karegi. Ye hi sab sochke wo khush bhi ho raha tha par sath me darr bhi raha tha ki kahin gussa na kar de wo metro me sabke samne. Par milna chahta tha usse. Aaj to nahi mil paya, kal dekhte hain wo milti hai ya nahi.

Next day morning, same time pe Abhimanyu ghar se nikal jata hai, for metro. Metro jaise hi board karta hai, samne wo khadi hai. Use dekhte hi Abhimanyu ke face pe smile aa jati hai. Wo jake uske just samne wala kona pakad leta hai, aur use dekhne lagta hai. Wo aaj bhi apne un do friends ke sath hi hai, jo roz uske sath aate hain aur beech me ek station pe utar jate hain. Unse baate kar rahi hai wo. Abhi usne dekha nahi hai Abhimanyu ko. Par Abhimanyu use dekhe ja raha hai. Uske baat karne ka andaaz, uske apne face se baalon ko piche karne ka tarika sab note kar raha hai aur bas smile kie ja raha hai. Aise log to bhot dekhke hain jo ladkiyon ko dekhte hain aur admire karke chor dete hain, par Abhimanyu ko pagal hi kahenge sahyad, ek crush ke lie rishte se mana kar dia. Shayad wo try karna chahta hai ki un dono ke beech kuch hota hai ya nahi. Par ye kya, achanak Aakansha ki nazar uspe ja giri. Abhimanyu ko dekhte hi usne face dusri side kar lia, aur apni friend ko kuch batane lagi. Fir uski friend ne bhi ek nazar Abhimanyu ko dekha, ganda sa muh banaya aur palat gayi.

Arey ye kya! Ye to sab gadbad ho raha hai. Aashish ne jaise bola tha, wo hi ho raha hai. Aakansha ne to use bhav bhi nahi diya, upar se muh aur fer lia. “This is not fair.”, Abhimanyu is time pe ye hi soch raha hai. Uske face pe smile ki jagah ab thodi sadness aa gayi hai, muh latak gaya hai, Aakansha ka face bhi nahi dikh raha hai use ab to. “Oh God! This is what you want?”, Bhagwan ko koste hue apne ear phones nikal ke sad songs chala deta hai aur sochta hai ki uske friends ke jane ke baad try karega.

After sometime uske friends chale jate hain. Now Abhimanyu is ready again to meet her. But no, again he doesn’t get success in that. Apne friends ke jane ke baad, wo wahan se dusri taraf chali jati hai. Abhimanyu wahan jana to chahta hai, par jata nahi hai, because he doesn’t want to stalk her and make her uncomfortable. He will wait for her, till she will not be angry with him. He is a nice guy, wo use pasand to karta hai par ek decent ladke ki tarah usse milna chahta hai, par use pareshan nahi karna chahta.

So days pass, na Aakansha use bhav deti hai aur na wo use jake milta hai. Do weeks hone wale hain. Ab Aakansha ko bhi pata chal gaya hai ki Abhimanyu roz isi metro se jata hai. Wo bhi ab prepared rehti hai uske aane ke lie, aur roz nayi nayi tarah se use ignore karti hai. Par ab Abhimanyu ko uske ignore karne ka style bhi pasand aane laga hai. Wo roz aata hai aur dekhta hai ki aaj kya kregi wo aur fir smile karta hai. Ye ab roz ka hi ho gaya hai.

Yehi sab chal raha hai aur ab ek month hone wala hai. Aaj Aakansha apne friends ke sath aayi hai, par us station pe aaj Abhimanyu nahi aaya andar. Aakansha dekhti hai, idhar udhar nazare jati hain uski, par wo hai nahi. Aakansha ki friend Shivani kehti hai, “Kya hua? Aaj tu use dhund rahi hai.”

Aakansha: Aaj lagta hai aaya nahi hai wo.

Shivani: Tujhe bhi lagta hai ye sab acha lagne laga hai.

Aakansha: Aisa kuch nahi hai.

Shivani: (Laughing) Waise pata nahi usne teri didi ko kyun mana kia? Han kar deta to ek handsome jiju mil jate hume.

Aakansha: Wo to wo hi jane ki kyun mana kia. Pata nahi kya samajhta hai khud ko.

Kartik (Shivani’s boyfriend): Arey ab tum dono bas bhi karo. Hogi koi majburi uski. Aur tu bhi na yaar, arey shadi karke choda thodi hai teri behen ko. Uske hisab se ni hogi compatible to mana kar dia usne, isme itna bada issue kyun banana. Tum dono ke roz roz ke natak se main bhi tang aa gaya hu ab. Bechara wo bhi kya feel karta hoga.

Shivani: Tum bade emotional ho rahe ho, use leke.

Kartik: Aur kya! Ab tum girls to samjhti nahi ho na. Ho sakta hai uski koi girlfriend ho aur us wajah se mana kar dia ho usne shadi se.

Aakansha: To bol deta na saaf saaf, didi konsa kuch kehti use.

Kartik: Yeah. But tumhe uske circumstances nahi pata hain. So don’t judge him. Starting ke ek do din thik tha par ab roz aise karoge to kisi ko bhi bura lagega.

Shivani: Ok na. Ab nahi karenge kuch normal rahenge. Khush?

Kartik: Better.

Shivani aur Kartik next station pe utar gaye. Aakansha bhi apne stop pe utar jati hai.

Next day Abhimanyu fir nahi aata, aur uske next day bhi nahi. Aakansha uske friends ab soch rahe hain ki kahin unki wajah se to usne aana band nahi kar dia.

Shivani: Yaar wo to aaj bhi nahi aaya.

Aakansha is silent.

Kartik: Dekha, maine to pehle hi bola tha. Usne aana band kar dia.

Shivani: Arey to kya hua. Aur aise koi aana band nahi karta, aa jaega wo.

Kartik: I don’t think so.

Aakansha Kartik ki kahi baaton ke baare me sochne lagti jo usne pehle kahin ti, “Ho sakta hai uski koi girlfriend ho aur us wajah se mana kar dia ho usne shadi se.” “But tumhe uske circumstances nahi pata hain. So don’t judge him.” And she thought ki shayad sach me ab jyada ho gaya tha. Aur isi wajah se usne metro me aana chor dia. Use acha nahi lag raha ki uski wajah se Abhimanyu ne aana band kar dia. Wo chup hai, kuch bol nahi rahi, Kartik aur Shivani hi ek dusre se baat kar rahe hain bas.

Next day, Aakansha metro me aati hai. Aaj uske friends uske sath nahi hai. Akeli hai wo, kuch soch rahi hai. Dekhte hain ki wo kya soch rahi hai. “Bhagwan please, aaj use bhej dena. Main nahi chahti ki koi meri wajah se aise apni life me koi change kare. Itna bhi bura nahi hai wo. Kartik shayad sahi hi bol raha tha, uski koi girlfriend hogi, isilie usne mana kia hoga didi ke lie. Uska station bhi aa gaya. Please, please bhej dena aap use, main pakka pareshan nahi karungi. Okay?”

Metro rukti hai, door open hota hai. Par wo dono gates me se enter nahi karta. She still hopes ki shayad jab tak door band na ho tab tak aa jaye, par door band ho jata hai aur wo udaas ho jati hai. Tabhi dekhti hai piche ke compartment se koi bhagte hue aa raha hai. Ye wahi hai, Abhimanyu. She smiles aur Bhagwan ko thanks bolti hai, “Thank u Bhagwan ji!”

Abhimanyu bhagte hue aata hai aur just Aakansha se takrane se bach jata hai.

Abhimanyu: Oh! Sorry.

Aakansha: It’s okay!

Abhimanyu smiles. Aur dono ek dusre ke alag-alag side pe khade ho jate hain. Abhimanyu Aakansha ko dekhta rehta hai aur Aakansha apne phone me kuch kar rahi hai. Tabhi Aakansha bhi Abhimanyu ko dekhti hai. Abhimanyu ishare se puchta hai Aakansha ke paas aane ke lie. Aakansha bhi ishare me han kar deti hai. Abhimanyu mann me hi zor se chillata hai, “Yes!”.

Abhimanyu Aakansha ke paas aa jata hai, Aakansha abhi bhi phone me kuch kar rahi hai.

Abhimanyu: Mmh.. Hi!

Aakansha: Hi!

Abhimanyu: So, kaisi hain aap?

Aakansha: I am fine.

Abhimanyu: Aaj aapke friends nahi aaye.

Aakansha: Han wo kuch days ke lie bahar gaye hain.

Abhimanyu: (Mann me: Acha chance hai friendship karne ka.) Oh! Okay. (After a pause) Tabhi aap mujhe ignore nahi kar rahi?

Aakansha stares at him.

Abhimanyu: Sorry. I mean. Aaj aap normally baat kar rahi hain na islie pucha bas.

Aakansha remains silent.

Abhimanyu: Jis station par aap utarti hain wahan aapka office hai?

Aakansha stares at him again and continues doing work in her phone.

Abhimanyu: (Little sad) Sorry.

Aakansha: Hospital hai.

Abhimanyu: (Excited) Oh yeah! Main bhul gaya tha, aap doctor hain, to hospital hi hoga.

After a few minutes.

Abhimanyu: Kitne saal ho gaye practice karte hue?

Aakansha: One year.

Abhimanyu: Waise aapki age kya hai?

Aakansha: Apni didi se ek year choti hu.

Abhimanyu: (Smiles) It means mujhse bhi ek year choti ho.

Aakansha sees expressions on his face.

Abhimanyu: (Smile chupate hue) Sorry.

Aakansha smiles. Abhimanyu smiles too.

Abhimanyu: Main aapke station ke next station pe utarta hu, mera office hai wahan.

Aakansha: I know.

Abhimanyu: Kaise?

Aakansha: Aapke papa ne bataya tha, jab didi se shadi ki baat chal rahi thi.

Abhimanyu: I am sorry. Maine jo bhi kia uske lie. Par main aisa karna nahi chahta tha.

Aakansha: It’s okay! Aapke jo bhi personal reasons rahe ho. Ab is sabke baare me baat nahi karni mujhe. I hope aapko jo bhi ladki pasand ho aapko mil jaye.

Abhimanyu: (Smiling) Thanks. Thanks a lot.

Aakansha: Okay! All the best then.

Both smiles.

Lijiye. Ho gayi baat shuru. Ab ye friendship me kaise change hoti aur fir friendship kaise aage badhti hai, wo dekhna bhi zaruri hai. So stay connected with us to know more about their story.

If you liked our story then please like us and to remain updated please like our page.We will upload the next episode shortly.

Stay blessed.

Feel the love ❤

Today is Valentine’s Day, so here is a bonus, next episode of this story will be uploaded today itself at 12 p.m. We hope you are enjoying reading!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: