Pyar Ka Izhaar

Log aksar puchte hain, kabhi aapko pyar hua hai?

Aur pyar hota hai to kya hota hai?

Kya “Main hoon na” movie ki tarah violins background me bajne lagte hain?

Ya pyar hote hi log shayar aur shayara banne lagte hain?

Ab ye sab to pata nahi mujhe, bas ek ladke ki baat batati hu, jisne pyar ka izhaar kia tha aise,

Phone pe message send kar dia, aur fir phenk dia phone, wo bomb ka gola ho jaise.

Fir 5 minute tak usne phone nahi uthaya,

Darr gaya tha wo ki kya hoga agar wahan se inkaar aaya.

Meri rahi sahi dosti bhi toot jaegi,

Fir aisi ladki, pata nahi kab mujhe mil paegi?

Kuch himmat karke, fir phone usne hath me lia,

Aur dekha ki ladki ne kya jawaab hai dia.

Ladki ne uske sawaal me ek aur sawaal pucha tha that,

“Ye kya bol rahe ho tum? Are u totally mad?”

Bechare ladke ki ab to rahi sahi himmat bhi gayi,

Par ab to kulhaadi pe pair maar lia, baat to ab puri hi hogi bhai.

Ladka bola, “Ab jawab do na uska jo maine pucha hai.”

Ladki boli, “Kya jawab du main, achanak ye sab kyun bola hai?”

Ladka bola, “Mujhe nahi pata ab to jawab dena padega.”

Ladki boli, “Mujhe waqt chahiye, iske lie mujhe sochna padega.”

Ladke ka dil zoron se dhadakne laga,

Ladki sochne lagi han kahu ya na, uska mann bhi machalne laga.

Ye tab ki kahani hai jab smart phones nahi hua karte the,

Par kaam ki baat karne ke lie log mobile phone khareed liya karte the.

Nokia tha phones ka raja, uska danka bajaa karta tha,

Phone phenkne ke baad bhi, aasani se jud jaya karta tha.

Exams the university ke tab, jab ye izhaar-e-ishq hua tha,

Ek exam to gaya tha bekaar, dusre ka bhi beda gark hi hona tha.

Par ishq ke aage exams kya cheez hain?

Ye kaha ja sakta hai ki dono ek dusre ke raqeeb hain.

Dedh ghante baad phir ladki ka jawab aaya,

“Dekho hai meri Han, par khabardaar jo kisi ko tumne bataya.”

Ladki boli, “Chalo tum ab jao mujhe ab padhna hai.”

Dono ke dil mil gaye the, ab exams se kya darna hai.

Par ladka tha shareef, bas “Good Night” keh ke so gaya,

Ladki ko ab tak na tha yakeen, ki aaj ye kya ho gaya.

Agle din exam tha par ladki padh nahi pa rahi thi,

Ladke ka haal bhi kuch aisa hi tha, uski aankhon ko neend nahi aa rahi thi.

Izhaar-e-ishq bhi hua, ikraar-e-ishq bhi hua,

Dono mile to, deedaar-e-ishq bhi hua.

Dono sath hain ek dusre ke, is baat ko 15 saal ho gaye hain,

Biwi ji hain wo uski, aur pati parmeshwar wo uske ho gaye hain.

Ladte jhagadte hain dono, par pyar ab bhi hai barkaraar,

Wo lamha hoga bhot khaas, jab dono ne kia tha “Pyar ka Izhaar”.

This is the poem dedicated to the people who want to propose someone to be their partner, friend, girl friend or whatever relation they want to be in. Please tell us about your reactions.

If you liked this, please like and share and like our page “Talking Hearts.”

Stay blessed..

Feel the LOVE ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: