Love Struck!

Episode-1

Story shuru hoti hai ek phone call se. Abhimanyu ke dad Aakansha ke dad ko call karte hain. Yahan Abhimanyu hamari story ka hero hai aur Aakansha is story ki heroine. Par han in dono ke dad, in dono ki shadi ki baat karne ke lie phone pe baat nahi karne wale hain, balki Aakansha ki badi behen Aasha ke lie Abhimanyu ki shadi ki baat hui hai aur usi ki baat aage bdhane ke lie ye phone kar rahe hain.

Let’s see what happened aur kaise Abhimanyu Aasha tak phochne ki jagah Aakansha tak phoch jata hai…

Abhimanyu’s dad: Awasthi ji to kya tai raha fir? Kab aana hai aapke ghar pe?

Aakansha’s dad: Sharma ji, is Sunday ki baat pakki karte hain. Chhutti wale din sab chize aaram se ho jati hain.

Abhimanyu’s dad: Ji thik hai fir, Sunday ko milte hain aapke ghar pe.

Aakansha’s dad: Ok ji! Nasmaste.

Abhimanyu’s dad: Ji Namaste.

Ho gayi phone pe baat. Aur sab fix bhi ho gaya hai. Actually isse pehle kya hua tha wo bata dete hain aapko. Awasthi ji, yaani Aakansha ke pita ji, unhone apni badi beti Aasha ke lie rishte ki baat chalayi thi Sharma ji ke bade bete Abhimanyu se. Ab pics share ho chuki hain, biodata bhi dekha ja chukka hai. Ladka ladki dono photo dekh ke ek dusre ko pasand kar chuke hain. Ab baari hai dekhne dikhane ki, aur ye usi ka discussion tha, jo fix hua hai upcoming Sunday ko.

Sunday ka din aa gaya hai. Sab ke sab tyariyon me lage hain. Aakansha aur uski behen subah se ghar ki saaf safayi me lage hue hain, aur unki mom khana banane me. Ghar aaye mehmaano ki khatirdari jo karni hai. Wo bhi aise waise nahi unki badi beti ko dekhne aa rahe hain. Bas unke aane ka time hone hi wala hai. Aur dad koi na koi naya kaam bataye ja rahe hain.

Aakansha’s dad: Arey Chutki! Ye drawing room me is tarah se setting sahi rahegi kya? Ya fir wo jo pehle set kia tha wo kare?

Chutki yani Aakansha, uske dad pyar se use Chutki bulate hain. Bhot hi pyara aur khoobsurat sa rishta hai dono papa beti ka. Jab ghar me dad aur mom ki ladayi hoti hai to Chutki yani Aakansha apne dad ka sath deti hai aur Aasha mom ka. Aur baad me ye dono milke mom dad ka patch up kara dete hain. Aisi choti si happy family hai Aakansha ki, jo choti choti chizon me khushi dhund leti hai. Chaliye dekhte Chutki kya jawab deti hain apne papa ki baat ka?

Aakansha: Oho! Papa aap shanti rakho ab. Ek to un logon ke aane ka time ho gaya hai aur aapko abhi tak ye setting samajh nahi aa rahi hai. Kya hoga pata nahi aapka?

Aakansha’s dad: Arey par acha bhi to dikhna chahiye na.

Aakansha’s mom: Bas ab koi change nahi hoga. Subah se parade kara rakhi hai sab ki. Khud to kuch karte nahi hain, bas dusron ko order dete rehte hain.

Aasha: Han papa. Wo log mujhe dekhne aa rahe hain. Aapki setting ko nahi.

Itne me hi doorbell bajti hai…

Aakansha’s dad: Lagta hai wo log aa gaye. Tum log andar jao. Main bulau tab aana.

Aasha: Ok papa.

Aasha aur Aakansha andar chali jati hain. Aakansha ke mom dad darwaza kholte hain. Aur samne Abhimanyu aur uski family khadi hai.

Aakansha’s dad: Welcome! Welcome! Sharma ji.

Abhimanyu’s dad: Ji shukriya.

Aakansha’s dad: Inse miliye ye hain hamari wife.

Aakansha’s mom: Namaste.

Abhimanyu and his family greet them.

Aakansha’s mom: Andar aaiye.

Sabhi log andar aa jate hain. Aakansha ke mom aur dad sabhi ko bethate hain.

Abhimanyu’s dad: Awasthi ji! Ye hain meri wife, ye hai mera bada beta Abhimanyu aur ye hai mera chota beta Aashish.

Sabhi fir se Namaste karte hain.

Abhimanyu’s dad: Ye choti si family hai hamari. (After a pause) Aapki beti aur Abhimanyu ka field same hai islie hume laga ki dono ek dusre ko samajh paenge.

Aakansha’s dad: Ji zarur. (Aakansha ke dad uski mom ko ishara karte hain dono betiyon ko bahar bulane ke lie, aur wo dono betion ko lene chali jati hain)

Abhimanyu aur Aasha dono ek hi field me hain yani dono architect hain. Dono ke paas ek jaisa hi workload hota hai aur time bhi ek jaisa hi rahega, ya nahi bhi rahega to dono ek dusre ko samajh paenge ye sochke dono ne rishte ke lie han kar dia tha. Par aage jo hone wala tha wo kahan pata tha kisi ko, na Aasha ko aur na Abhimanyu ko.

Aakansha ki mom aur Aakansha dono Aasha ko bahar laate hain. Aakansha Aasha ke right me aur Aakansha ki mom Aasha ke left me hain. Aasha shant hai, thoda nazar niche kie hue aa rahi hai, jo use acha to bilkul nahi lag raha par uski mom ke instructions wo taal nahi sakti hai.

Jaise hi wo teeno drawing room me enter karte hain. Abhimanyu ki nazarein upar uth jati hain aur lagataar bas wahin dekhe ja rahin hain. Abhimanyu ke side me betha uska chota bhai uske shoulder pe marta hai.

Aashish: (dhire se Abhimanyu ke kaan me) Arey pagal hai kya? Aise dekhe ja raha hai. Tujhe hi baat karni hai bhai, sabr rakh thoda.

Abhimanyu: Nahi.

Aashish: Nahi kya? Abhi baat karni hai kya?

Abhimanyu: Yaar ye jo ladki hai uske right me kon hai pata hai kya?

Aashish: Mujhe kya pata? Hogi uski behen. Tu ladki pe focus kar na uski behen pe kyun kar raha hai?

Abhimanyu: Bhai main ye shadi nahi kar sakta.

Aashish: Kya? Arey par hua kya tujhe ek sath. Abhi tak to thik tha tu.

Abhimanyu: Wo sab baad me bataunga, pehle ye bata mana kaise karu? Dad to roke ki tyari karke aaye hain.

Aashish: Arey! Tu apne sath sath mujhe bhi marwaega.

Abhimanyu: Wo sab baad me sochenge, pehle ye bata mana kaise karu.

Aashish: Isme mana kya karna hai, bol dena thoda time chahiye sochne ke liye aur fir ghar pe jake mana kar dena. Par maa papa ko mat batana ki maine tujhe ye idea dia hai.

Abhimanyu: Pehle idea kaam to karne de.

Ajeeb hai na ye. Ladki ko dekhte hi shadi se about turn. Actually wo ladki ki wajah se nahi ladki ki behen ki wajah se tha, Aakansha ki wajah se. Aisa kyun tha ab ye to Abhimanyu hi jane.

Aasha ko Abhimanyu ke samne hi bethate hain, aur Aasha beech beech me Abhimanyu ko dekh ke smile bhi deti hai. Abhimanyu bhi smile kar to raha hai par uske mann me kuch aur hi hai.

Sab log baate karte hain. Abhimanyu se Aasha ke mom dad aur Aasha se Abhimanyu ke mom dad questions puchte hain. Abhimanyu sab kar to raha hai par uska mind Aakansha me ataka hai. Aur fir baat aati hai akele milne ki. Abhimanyu aur Aasha ko Aakansha ek alag room me leke jati hai. Raste me Abhimanyu Aakansha se baat karne ki koshish karta hai.

Abhimanyu: Ummh.. Hi! I am Abhimanyu and you?

Aakansha: (with smile) I am Aakansha, inki choti behen.

Abhimanyu smiles back.

Abhimanyu: Aap kya karti hain?

Aakansha: I am a doctor.

Abhimanyu: (Thoda sad hoke) Oh! Doctor! Architect se bilkul different job field.

Aakansha: Yeah. Aap dono yahan baatein kijiye. Okay! All the best both of you.

Room me betha ke, dono ko wish karke, Aakansha wahan se chali jati hai. Dono ke beech baatein hoti hain. Abhimanyu baat to karta hai par uska mann ab bhi wahin hai. Baate karke dono bahar aate hain. Aakansha Aasha ko room me le jati hai. Aur thodi der ke lie Aakansha ke mom dad bhi Aasha ke paas chale jate hain. Ab bahar room me bas Abhimanyu aur uski family hai.

Abhimanyu’s dad: To batao beta, kaisa raha sab. Hume to sab acha laga. Ache log hain, ladki bhi achi hai.

Abhimanyu: Han papa wo sab to thik hai. Par mujhe thoda time chahiye.

Abhimanyu’s dad: Ab time ki kya zarurat hai jab sab acha hai to.

Abhimanyu: Ji papa, par mujhe thoda time chahiye.

Abhimanyu’s mom: Tumhe Aasha pasand to hai na?

Abhimanyu: Maa wo…..

Abhimanyu’s mom: Jo bhi hai saaf saaf bta do yahin.

Abhimanyu: Mujhe nahi karni ye shadi.

Abhimanyu’s dad: (gusse me) Jab dekho ise apni chalani hoti hai. Ab kya burayi hai is ladki me? Itni ladkiyan islie reject kar di ki same job nahi hai samajh nahi paegi. Ab isse bhi nahi karni.

Abhimanyu’s mom: Ab yahan pe gussa mat kijiye, wo log bhi hain. Sun lia to acha nahi lagega. Filhal time maang ke chalte hain, ghar pe jake baat kr lenge.

Abhimanyu’s dad: Thik hai. Jaisa tum kaho.

Itne me Aakansha ke dad aa jate hain.

Aakansha’s dad: Sharma ji. Ab to bacche mil lie to kya decision hai aapka?

Abhimanyu’s dad: Awasthi ji. Hume Aasha pasand hai, par kya hai na hum abhi jaldbazi nahi karna chahte. To hum ghar phochke vichar vimarsh karke aapko bata denge.

Aakansha’s dad: Ji jaisa aapko thik lage.

Aakansha ke pita ji bhi samajh gaye the unki baaton se ki ye log ab nahi aane wale wapas. Par Awasthi ji ne unki khatirdari me koi kami nahi chhodi. Wo jaye bhi to ye soche ki itna acha rishte chala gaya.

Par aisa hua kyun? Jis rishte ke lie Abhimanyu pehle maan gaya tha, fir achanak se mana kyun kar dia? Use Aakansha itni pasand aa gayi ki pehli nazar me hi usne use dekh ke, uski badi behen ko reject kar dia? Ya baat kuch aur hai?

To know about this, read the next episode of this story and stay connected.

If you liked our story, please hit the like icon and share it..

Stay blessed.

Feel the love ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Powered by WordPress.com.

Up ↑

Isha Yoga Meditators Commune

Intensify Your Sadhana With Sadhguru Jaggi Vasudev

Little Fears

Tales of humour, whimsy and courgettes

The Unknown Life

All about life

%d bloggers like this: